Република Гайти, фр. République d'Haïti — держава в западной части острова Гиспаньола и на поблизкых островах Гонав, Тортю, Ваш и др. в Карибском мори.[3] Плоха 27,8 тыс. км2. Официалный язык французскый.[4] Другым официалным языком е креолскый.[1] Западну часть острова Гиспаньола занимать Доминиканска република. На востоку на другом березѣ Вѣтрового пролива, 80 км широкого, лежить Куба.
| Гайти фр. République d'Haïti | |
|---|---|
Застава и герб
| |
| Розлога | 27 750 км2 |
| Обывательство | 11 198 240 (2021)[1] |
| Столиця | Порт-о-Пренс 18°32′N 72°20′W |
| ГДП на особу | $1872[2] |
| Интернет-домен | .ht |
| Часова зона | UTC-5 (влѣтѣ -4) |
| Телефонный код | +509 |
| *** | |
История Гайти од зачатку доднесь точить ся в знамени насилства:[5]
- 1492 — остров объявив Кристофор Колумб и назвав го „La Espaňola“, одты днешна англизована назва Гиспаньола;
- 1600 — мѣстны индианскы племена Тайно и Сибоней цѣлком выгынули од тяжкой роботы и были заступлены рабами, доважаныма з Африкы;
- 1697 — западну третину острова, котра уже цѣле стороча была заята французскыма пиратами, Испания одступила Франции, котра ю назвала Санто-Доминго;
- 1791 — зачало ся повстаня рабох;
- 1804 — 1. януара цѣлый остров под старов индиансков назвов Гайти выголосив независимость; на островѣ зачала ся домова война;
- 1809 — Испания назад одзыскала восточну часть острова; в року 1844 ту выголошена независима Доминиканска република;
- 1844-1915 в независимой републицѣ Гайти (западна третина острова) продовжали ся непоряды: змѣнили ся 20 пановникы, и то 16 разы путьом револуции и переворота;
- 1915-1937 — США окуповали остров; по их одходѣ обновили ся непорядкы;
- 1957-1971 — владу достав доживотный диктатор Франсуа Дювалье, на прозывку Папа Док, подля фаху дохтор;
- 1971-1986 — владу перебрав его сын, 19-рочный Жан-Клод Дювалье, на прозывку Беби Док з помочов США утѣк до Франции, в державѣ обновили ся непорядкы;
- 1990 — до влады пришов лѣвоориентованый президент Жан-Бертран Аристид, котрого вшак звергли военным переворотом по восьми мѣсяцях;
- 1994 — США завели до Гайти 20 тыс. войска, вернув ся президент Жан-Бертран Аристид, роспустив войско, зачав реформы и формованя новой полиции про утриманя порядку;
- 2004 — 1. януара в часѣ святочностей з нагоды 200-роча независимости зачали ся непорядкы, в конци фебруара президент Жан-Бертран Аристид утѣк; обновила ся домова война; США завели назад свое войско, тот раз подля санкции Рады безпекы ОЗН;
- 2008 — серия ураганох забила около 800 обывательох, наслѣдовали новы непорядкы и протесты против влады и безпечностных сил ОЗН;
- 2010 — трясѣня землѣ забрало живот 316 тыс. обывательох, а три милионы стали ся бездомныма;
- 2014-2015 — криза влады и фиаско з организациов выберанок, котры и без того уже запоздили о три рокы;
- 2016 — новы протесты; выберанкы року 2015 выголошены сфалшованыма и незаконныма, выголошены новы — парламентскы на осень 2016, а президентскы на зачаток року 2017.
В сучасности 95% обывательства суть негры, 5% — мулаты и бѣлы, подля вѣры: 55% римокатоликы, 29% протестанты, една з официалных религий — воду (2003, 2%).[1]
Робоча сила туня, але неквалификована. 41% безроботных (2010). Из занятых: в аграрном секторѣ — 38%, в промыслѣ — 12%, в службах — 50%. Експорт: конфекция, олаи, какао, манго, кава; главны партнеры в року 2017 были США (81%), Доминиканска република (5%). Вонкашный довг з наростаючым трендом:
- $2,607 млрд (2017);
- $2,17 млрд (2016).
Гаити в сучасности найбѣднѣйша держава западной полукулѣ, де 60% обывательства жие под чертов худобности.[1]
- Гайти — единственый франкоязычный штат на западной полукули.
- Гайти — перва в свѣтѣ независима держава негрох (1. януар 1804).
- Гайти мать 46 политичных партий (2018).[1]
- Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6. русс.
- УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. ISBN 5-88500-001-8. русс.
- History of Haiti. //Encyclopaedia Britannica. Одчитане 18.08.2018 англ.
- The World Factbook. Central Intelligence Agency (US) англ.
- Світовый банк: ГДП держав світа подля ПНС в року 2017 (.pdf) англ.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
