From Wikipedia, the free encyclopedia
Волт Витман, англ. Walt Whitman, * 31. май 1819, Лонг Айленд, Ню Йорк – † 26. марец 1892, Камден, Ню Джерзи — быв америцкый поет, публициста и новинарь; еден зо закладательох модерной америцкой поезии, пионер вольного верша.
Волт Витман | |
---|---|
Walt Whitman | |
Walt Whitman - George Collins Cox.jpg | |
![]() | |
Walt Whitman | |
Уроджѣня | мая 31., 1819 Лонг Айленд, Ню Йорк |
Умертя | марца 26., 1892 (72 р.) Камден, Ню Джерзи •пневмонія |
Погреб | цвинтар Гартлі |
Занятя | тесляр, писатель, выдаватель, есеїст, друкар, медична сестра, шкільний учитель, новинарь, поет, прозаїк-романіст |
Язык творох | анґліцькый |
Горожанство | США |
Праца | Brooklyn Eagle, Brooklyn Times-Union |
Реліґія | деизм |
Час творбы | 1842— |
Батько | Walter Whitman, Sr. |
Супруг(а) | none |
Помилка скрипту: Не існує модуля «collapsible list». | |
Вызначны роботы | Листы травы, 9 выдань, 1855–1892 |
![]() | |
VIAF:2478331; GND:118807153; LCCN:n79081476; FAST:39575; BNF:119291430; NLKR/NLC:jn19990009101; OL:OL23178A;
|
Волт Витман родив ся в 200-рочном родинном фармерском маетку Вест-Гиллс на островѣ Лонг Айленд (днесь подгород Ню Йорка). Школу навщѣвовав в сосѣдном Бруклинѣ (днесь район Ню Йорка), але од 13 рокы пошов ся учити на складача до печатнѣ. По повчетверта роках зачав публиковати ся в новинках, а в роках 1849–1850 сам выдавав новинку. В року 1842 выдав свою перву книжку, повѣданя Franklin Evans, котра нич не вѣщила о его будучой славѣ. Витман одтогды зачав тулацкый живот, працовав лем коли мусѣв, пробывав час в природѣ Лонг Айленда, на бруклинскых улицях, в библиотеках и музеях, а тыж и на политичных сходках, в корчмах и при низкых забавах, набираючи познаня и скушености живота. Але в року 1855 зачудовав свѣт первым выданьом своей поетичной зберкы Листы травы, котра мала тогды лем 12 поезий, в другом выданю (1856) были уже 32, а в року 1860 вышло третье выданя.[1]
До того выданя додав еще 122 вершы. В часѣ домовой войны быв санитарьом в шпиталю, а свои рефлексии по войнѣ высловив зберьков поезий Бий, бубне![2]
Ку закончѣню домовой войны (1861–1865) Витман достав пост урядника на державной службѣ, але неодовго быв одты пропущеный за «непристойность» своей поезии.[3] З помочов приятельох и чтительох поет достав иншый, омного лѣпшый пост урядника, а его приятель О'Коннор, бойовник против рабства чудесно обгаив его знечещены Листы травы, написавши и выдавши цѣлу брожуру, де называв Витмана «добрым сивовласым поетом», и одтогды тот епитет став ся певнов прозывков поета.[4]
В державной службѣ быв аж до року 1873, коли го поразила мертвиця. Одтогды, хоть ся часточно выздоровѣв, быв одказаный на чужу помочь до конця живота. Одышов до Камдену, де жив у брата, покы не купив собѣ властну хыжу.
Было му нераз пропоновано, жебы зробив даякы поправкы на уступку урядной цензурѣ, але нигда не пристав на то. В року 1882 в Бостону мусѣли знищити майже допечатаный наклад его книжкы, бо прокуратура погрозила выдавательству оскаржѣньом.[1]
В зборнику Листы травы (1855—92) идеи благодатного приближѣня чоловѣка ку природѣ достають козмичный вымѣр: всякый чоловѣк и хотьякый предмет ся беруть як святы на тлѣ безконечной в часѣ и просторѣ еволуции Вселеной. Чутя суродности зоз всѣма людми и всѣмя явами свѣта выражене через претворѣня лиричного героя на иншых люди и неживы предметы. Витман — пѣсник свѣтовой демокрации, всесвѣтного братства люди праци, позитивных наук, любви и товаришства, не знаючых социалных границ.[5]
Стил поезии Витмана надзвычайно своефайтовый, новаторскый. Он остро протистоить старой «аристократично-панской» литературѣ. Витман створив новый, вольный ритм стиха без римы. Его ритм, еднако одаленый и од обычайного вымѣряного, подѣленого на строфы, римованного стиха и од беспорядочности бесѣдной речи. Тото не камерна лирика, не заглублѣня в дожитя властного «я», а слово ку многым. Витман одшмарив каноны и традиции старой поезии.[3]
В России поезии Витмана товмачив уже его сучасник Иван Тургенев, пак Корней Чуковскый, интересовав ся его творбов Лев Толстой, немалый вплыв мав на Владимира Маяковского и Велимира Хлебникова. В украинской литературѣ вплыв Витмана видко у дакотрых творах Павла Тычины, Михайля Семенка, Богдана Игоря Антонича.[2]
Витман первого вызнаня достав в Англии, але неодовга и в окремых домашных кругах, а нынѣ ся повсемѣстно вызнавать, же его чудны вершы, наперек многым баналностям и смѣлым низкостям, обсягують необычайне богатство своефайтовой захватуючой поезии.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.