From Wikipedia, the free encyclopedia
Быстрый (рум. Bistra) — село в жупі Марамуреш у Румунії, адміністративный центер комуны Быстрый.
Быстрый | |
Bistra | |
село | |
Держава | Румунія |
---|---|
Жупа | Марамуреш |
Комуна | Быстрый |
Коордінаты | 47°51′54″N 24°11′28″E |
Обывателїв | 1017[1] (2011) |
Часова зона | EET (UTC+2) |
- лїтнїй час | EEST (UTC+3) |
ПСЧ | 437045 |
Телефонный код | +40 259 +40 359 |
SIRUTA | 107289 |
Полога в Румунії
| |
Быстрый ся розміщат на высоті около 360-380 м н.м. в окруженю низкых гор (ок. 500-700 м н.м.). Через село тече ріка Вышава и єї приток Быстрый. Находит ся близко Мармарошськых Верьхув, селом проходит неозначеный турістичный путь до верьхув Полонинка и Щербан[2]. У близкости села мож найти булше природных печер[3]. Уд Сигота уддаленый на 31 км, має желізничну штацію. Присілкы Быстрого сут Дубрюкы, Заріка и Рункул[4].
Быстрый ся споминат у 1411. годі як кмітськый присілок села Петровы. Вєдно з довколашными землями быв у властництві фамілії Долгаї. Масовоє гуцулськоє заселеня Быстрого ся удбыло в XVII-XVIII. столітю. Жидувська община села постала в половині XVIII. столітя и была знищена 1944. году[5].
Уд 1912. году Быстрый має статус окремого села в жупі Мараморош[6]. У 1920 удыйшов Румунії (у 1940-1944 быв пуд владов Мадярщины).
Май важными видами роботы в селі были земледілство, рубаня дерева, банясованя и желізничарство[7].
У 1856. годі в селі поставлена деревляна церьков, розобрана по пожарови в 1992[8]. Нова мурована церьков поставлена в 1995. годі[9]. Перша школа в Быструм основана в меживоєнный час[10], нова ґімназія поставлена в 1970. годі[11].
У маю ся в селі удбыват вучарськый фестівал «Гуцулська міра»[12].
Быстрянськый говур удносит ся до гуцулського діалекта[13][14][15]. Жителі Быстрого носят назывку «бур’єни» (давно їх сохтовали їсти)[16].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.