From Wikipedia, the free encyclopedia
Будин, мад. Buda — середновѣкый главный город Мадярского кралевства, а од року 1873 — западна часть главного города Будапешт, положена на высоком правом березѣ Дуная. Будин зоставать историчнов назвов, в сучасности правобережна часть Будапешта называть ся Буда и творить третину цѣлой плохы Будапешта. Ту находить ся Будинскый замок, давне сѣдлиско мадярскых кральох.
Середновѣкый город
Будин
Buda мад.
|
В 1–5. ст. на мѣстѣ сѣверной части днешной Буды, в Старой Будѣ, мад. Óbuda (III. округ Будапешта), быв римскый город Аквинкум, лат. Aquincum, названый так од термалных купельох, што там были.
Подля гипотезы Якоба Руппа, мадярского архиваря и нумизматика, выкладеной в року 1868 в его роботѣ Buda-Pest és környékének helyrajzi története,[1] назва Аквинкум походить од Буда, а точнѣйше од Вóда, што в славянскых языках значить воду, а по мадярскы „víz”.
Тоту гипотезу потверджать и середновѣка Пѣсень о Нибелунгох, де город вождя Гунох Аттилы споминать ся як Етелбург, Ецелбург (Etelburg, Eczelburg). Можне, же тота назва не лем захранила имя Аттилы, по нѣмецкы Etzel, але дашто зовсѣм инше. Турецке слово етел означать таксамо в славянскых языках воду, а по мадярскы „víz”! А територия Гунох, котра, подля векшины днешных историкох, была положена межи Днѣпром и Дунаем называла ся Етелкузу, а в днешной мадярчинѣ Etelköz, або «медживодя».
В року 1243 на горѣ, што ся тогды звала Пештска Нова гора, а теперь зве ся Замкова гора, мад. Várhegy, зачали ставбу Будинского замка. Очекованый в року 1246 новый монголскый впад прискорив выставбу.
В листинѣ краля Бейлы IV. з року 1255 Будин уже спомянутый, як выставленый замок.
Од 15. ст. став ся Будинскый замок сѣдлиском мадярскых кральох.
Днешна Буда, часть Будапешта, положена на мѣстѣ даколишного Будина, складать ся з шѣстьох части, кажда з котрых мать свою самоуправу и свого городского голову, або бургомистра, мад. polgármester.
Округ Будапешта | Мѣстна назва | Обывательство |
---|---|---|
I. округ | Budavár | 25 тыс. |
II. округ | без назвы | 90 тыс. |
III. округ | Óbuda-Békásmegyer | 129 тыс. |
XI. округ | Újbuda | 153 тыс. |
XII. округ | Hegyvidék | 58 тыс. |
XXII. округ | Budafok-Tétény | 55 тыс. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.