From Wikipedia, the free encyclopedia
Автобус або бус — певнинове средство масовой доправы, двостопове моторове возило, назначене на перевоз девятерох або вецей пасажерох по дорогах публичного хоснованя.[1]
Автобусы суть назначены про выхоснованя в розличных условиях, прото ся одличують конштрукциов и многыма параметрами. Найменшы суть микробусы, котры мають 9 –15 пасажерскых мѣст, а надвеликы автобусы мають до 250 мѣст. Додаточны мѣста досягають ся скапчаньом секций (2 – 3 секции), або двохпалубнов конштрукциов каросерии. Автобусы, назначены про выхоснованя в селѣ, в горах, на дорогах низкой якости мають силнѣйшый подвозок, погон на вшиткы колеса и меншый комфорт. Городскы автобусы мають двоѣ – троѣ дверѣ, низкы сходикы и акумулачны плохы при них, котры дають можность на скоршый вход и выход пасажерох. Автобусы далекых линий мають найвысшый комфорт, багажовы секции, шатню, холодник, заход, а даколи и мѣста на спаня.[1]
Хыжа на колесах, транспортне средство з можностьов спочивку, англ. caravan,[2] або trailer[3] — малый автобус, приладженый на бываня, як квартель на колесах. Из правила, буде обсяговати гостьову избу циже столову, невелику купалню, кухню и сѣни, што ведуть до спални, а дакотры мають аж двѣ–три спалнѣ. В дакотрых краях путованя на такых автобусах — свого роду способ живота, а поуживать ся про такы транспортны средства ай назва спочинкове авто, англ. recreational vehicle, ци курто RV, суть ку тому фаховы порадникы, а про паркованя суть приладжены шпециалны паркингы, де ся мож прикапчати ку вонкашным комуналным службам.
Попередником автобуса быв омнибус — конна запрягова многомѣстна пасажерска перевозка, котра ходила по вызначеных городскых або меджигородcкых линиях. Перва городска линия омнибуса появила ся во Франции еще в року 1662.[1]
Первый моторовый автобус, тогды еще называный омнибусом, представив Карл Бенц в року 1895, а зачав он ходити по регуларной линии в Лондонѣ в октобру 1899.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.