Назва державы была од 1. августа1964 змѣнена на «Демократична Република Конго», обы ся могла розознати од сосѣдной Републикы Конго зоз главным городом Браззавил, в минулости Французскым Конгом. Доба меджи роками 1960 и 1965 споминать ся еще яко Перва конжска република. А так нынѣшна, од року 1997 конштитуована Демократична република Конго, е Третя конжска република.
Република Конго в добѣ «Конжской кризы»
Сепаратизм
По зысканю независимости од Белгии, белгийске колониалне войско Форс пюблик было переименоване на Конжску народну армию, фр.Armée nationale congolaise. Уже в наступных днях, 5. юла1960 во войсковой еднотцѣ недалеко од Леополдвила зачав ся бунт, и нараз на то зареаговала Белгия интервенциев своих высадкарьох под претекстом обороны белгийскых горожанох в републицѣ Конго. Тото быв импулз, котрый зачав понад четыри рокы тырваючу домову войну, называну «Конжска криза». 11. юла1960 найбогатша провинция Катанга под лидерством Моиза Чомбе выголосила свою независимость. ПрезидентЖозеф Касавубу и премьер-министр Патрис Лумумба покликали и достали од ОЗН миротворный контингент, але тото лем звышило незгоду меджи нима: еден задоволив ся роздѣлѣньом сторон конфликта, другый домогав ся, жебы интервенчне заграничне войско силов вернуло сепаратистичну Катангу под владу Леополдвила. Лумумба, доставши категоричный одпор од Касавубу и западных партнерох, попросив и достав военску помочь од СССР. З тым ся «Конжска криза» стала меджинародным конфликтом.[2]
Криза влады и первый путч
Лумумба, уже широко познатый меджи лидерами африканскыхдержав, плановав на август скликати их до Леополдвила, жебы формовати сполочны антикризовы силы. На то 5. септембра1960президентКасавубу збавив го поста премьер-министра. Лумумба, за котрым была векшина парламента, нараз тото опротестовав. На кризу влады зареговали регионы; 7. септембра1960Восточна провинция зоз главным городом Стенливил, котра стояла за Лумумбом, выголосила себе Людовов републиков Конго, подобно выступив диамантодобываючый регион Южный Касаи, и держава подлила ся на 4 фрагменты. 14. септембра1960 полковник Жозеф Мобуту, министер обороны забрав владу в свои рукы и выголосив, же буде дочасный «невтралный» военный уряд.[2]
Далша криза и другый путч
Уже в октобрѣ 1960 Мобуту вернув владу в рукы президентаКасавубу. В новембрѣ 1960 одстраненый од влады Лумумба ладив ся перейти из Леополдвила, де быв под захранов войск ОЗН до Восточной провинции, де мав абсолутну подтримку влады. В дорозѣ 2. децембра1960 быв влапленый людми Касавубу и 17. януара1961 переданый сепаратистичной Катанзѣ в рукы своих противникох, де быв мученый и забитый.[3] Сепаратизм Восточной провинции, збавленой свого идейного лидера быв придушеный войском в року 1961, а в Катанзѣ в року 1963, а лидер сепаратистох КатангыМоиз Чомбе в року 1964 достав пост премьер-министра централной влады в Леополдвилу[2] намѣсто кары, што давать довод думати, же свою «роботу» робив на бештелунок и належно, за што достав належну награду. 24. новембра1965Мобуту еще раз забрав владу до своих рук, одстранивши и президентаКасавубу, и премьер-министра Моиза Чомбе, тот раз на 32 рокы.
Кудрицкий А.В.: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. ISBN5-88500-001-8
.svg)
.svg)
