From Wikipedia, the free encyclopedia
Регион, од лат. regio напрям, линия, границя, округ[1] — територия (певнина, акватория), часто доста значна подля своей великости, (не лем котра е таксономична единиця в системѣ дакотрого териториалного членѣня, напримѣр: Азиатскый регион, Восточноазиатскый регион, Сибирскый регион), диспонуюча дакотрыма сполочныма характеристиками,[2] едностайна область, гомогенна подля выбраного критерия и одличуюча ся од сосѣдных области подля того критерия.[3]
Характеристикы, што служать за критерий можуть быти единичны або множны. В социалных науках суть, найчастѣйше, етничны, културны, языковы (регион Прованс, Франция), в географии — климатичны, або топографичны (регион субтропичный, регион Колхидска низина), в економичных науках — индустриализация або урбанизация (Рур в Германии), або шпециализация (Памутовый пояс в Сѣверной Америцѣ); в политичных науках — меджинародный вызнам (Близкый Выход).[3]
Концепция региона хосенна и поуживать ся при анализах, планованю и администрованю вельох националных и меджинародных публичных програм. Регионализм, або регионална свѣдомость, чутя суродности, належности ку региону, е важным во многых припадах при историчных, политичных и социологичных анализах.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.