From Wikipedia, the free encyclopedia
Бендиго англ. Bendigo /ˈbɛndɪɡoʊ/ — город на югу Австралии, четвертый найвекшый город штата Виктория и другый найвекшый финансовый центер штата по Мелбурну. Обывательох города называють бендигонцями, англ. Bendigonians.
Город во штатѣ Виктория
|
Бендиго лежить в географичном центрѣ штата Виктория,[2] оддалене о 150 км на сѣверозапад од Мелбурна, главного города штата Виктория и о 188 км на юговосток од мѣстечка Свон Гилл на сѣверной граници штата.
Бендиго достав свою назву од потока Бендиго, зась поток — од мѣстного пастуха Виллиама Абеднего Томпсона на прозывку «Бендиго», котрый быв найлѣпшый английскый пястьовый борець. Осада Бендиго стала ся прудко ростучым городом од 1850-х рокох по объявлѣню золота на тых землях. Од року 1851 ту добыли 780 000 килограм золота.[3] В зачатку 20. ст город зажив економичный упадок, але по свѣтовых войнах зачав ся рост, котрый держить доднесь.
Туристика е найвекшый конарь економики днешного Бендига. Дашым конарьом е комерчный и финансовый: в городѣ фунгуе акциова биржа Bendigo Stock Exchange (BSX), основана еще в року 1860, централа банка Bendigo Bank. Промысел представлять велика зливарня Keech Castings, што продукуе машины про банництво, выробкы про желѣзницю и иншу зливарску продукцию; гумарня Motherson Elastomers; оборонна компания Thales Australia, фабрика Australia Defence Apparel, што продукуе униформы про войско и полицию, непрострѣлны лайбикы; биотехнологична компания Intervet на выробу вакцин. Продовжать ся долованя золота, теперь уже на векшых глубинах.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.