From Wikipedia, the free encyclopedia
Антоний Бескид, мад. Beszkid Antal, чеш. Anton Beskid; *16. септембра 1855, Ганиговце, Мадярске кральовство – †16. юна 1933, Ужгород, Чехословакия — русинскый политик, доктор права, сполоченскый дѣятель, другый губернатор Подкарпатской Руси.[1][2][3][4][5]
| Антоний Бескид | |
|---|---|
 | |
2-й губернатор Подкарпатской Руси | |
| Во функции: | |
| 14. децембер 1923 — 16. юн 1933 | |
| Президент | Т. Г. Масарик |
| Предходник | Григорий Жаткович |
| Наступник | Константин Грабарь |
| Уродив ся | септембра 16., 1855 Ганиговце, Мадярске кральовство |
| Умер | юна 16., 1933 (77 р.) Ужгород, Чехословакия |
А. Бескид яко губернатор не лем морално, але и финанчно подтримовав русинске школство и културны организации. На потребы Общества Духновича подаровав 50 000 корун, што было на тот час великов сумов. Субсидовав гроши на библиотекы, школы, русинскы домы, памятникы русинскым будителям, выдаваня их книг. Подтримовав идею едности Русинох Подкарпатя и Словакии. Приоритов роботы губернатора поважовав розвой своефайтовой народной културы Русинох. В року 1924 организовав умѣлецко-етнографичну выставку, яка выволала великый интерес и за границями Чехословакии. Його старанями вышла триязычна монография Умѣня Подкарпатской Руси.[5]
Тогочасны новинкы писали, же губернатор Бескид не мав ниякых прав.[9] Од часу резигнации Жатковича пост губернатора ПодкарпатскоЙ Руси de facto быв чисто формалным, змѣнити ситуацию и свои права А. Бескид не пробовав,[3] додержовав ся даного слова и не выступовав з опозичныма демаршами за довгы рокы свого губернаторства.
14. юла 1927 парламент схвалив закон ч. 125/1927, котрым была република роздѣлена на 4 краины: Чешску, Моравскошлезску, Словацку и Подкарпаторуску, в чолѣ каждой краины став краинскый президент, менованый президентом републикы и подрядженый министрови внутра. В Подкарпатской Руси быв то Антонин Розсыпал, перед тым вицегубернатор. Уряд губернатора зостав и надале, але теперь уже формалный de jure. Подля того закона намѣсто подкарпаторуского сойма мало ся выберати 18-членне краинске представительство, але хотьяке рѣшѣня його могло быти заблоковане краинскым президентом. Против того закона протестовали автономистскы партии и губернатор Бескид, указуючи, же негуе меджинародны и конштитучны завязаня сопротив Подкарпатской Руси. Жебы загасити огень критикы, министер внутра Йозеф Черны обѣцяв, же тот закон в одношѣню краины Подкарпаторуской стратить силу, коли буде заведена автономия.[8] В року 1932 Бескидово официалне поданя президентови Т. Г. Масарикови, в котром поновно жадав сповнѣня завязань Чехословакии, дотычных русинской автономии, учинило великый розрух.[1] Але закон зоставав на силѣ аж по рок 1937, а губернатор Бескид ся автономии не дожив.
Уже по його смерти приятелѣ споминали, же постаршый губернатор, котрого велми любили за його доброту и широке меценашство, чув ся в урядѣ губернатора вегзованым, його шикановали, виноватили в тому, што змѣнити не было в його силах.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
