Угорска Русь, исторична землеписно-народностна назва края в бывшом Мадярском кральовствѣ, населеного переважно Русинами. Ишло о територию, од рокох 1918-1920 познату як Подкарпатска Русь, в рр. 1944-1946 яко Закарпатска Украина, а од року 1946 донынѣ яко Закарпатска область.[1]
Хоснованя назвы
1830 — 1918
Понятя Угорска Русь было заведено и переважно стрѣчало ся в роботах ученых з России в 1830-х роках.[2] Од них го перебрали польскы, украинскы и другы учены.[1][2] Еднак термин Угорска Русь стрѣчав ся и в русинскых текстах, котры часто писали ся з ориентациов на то, же будуть ся публиковати в Галичинѣ або России.
В Мадярском кральовствѣ тото означѣня не было в урядном и научном хоснованю, понеже административне дѣлѣня на жупы, вызначало и характер одсылань на територии в научных роботах. Угорска Русь во вызнамѣ угорскых територий, заселеных Русинами, включала жупы Унг, Берег, Угоча, Мараморош, Земплин, Шариш, Спиш, але жадна з тых жуп не была заселена лем Русинами. По роспадѣ Австро-Мадярщины Угорска Русь роздѣлила ся (неофициално) на Пряшовску и Подкарпатску Русь, официална границя меджи котрыма не была вызначена, а дочаснов границьов была рѣка Уг. В чехословацкой добѣ (1920-1939) намѣсто непевно означеного понятя Угорска Русь хосновала ся урядна, штатутом окреслена назва Подкарпатска Русь.[3]
1939 — 1944
Назва Угорска Русь не любила ся тыж комунистам и украинскым националистам, котры уже в юну-юлу 1924 на V. конгресѣ Коминтерна в Москвѣ выголосили же восточнославянскы обывателе Польщи, Румынии и Чехословакии суть Украинцѣ и «мать быти револучно вырѣшеный их народностный вопрос».[4]
Коли на куртый час Угорска Русь вернула ся в Мадярщину (1939-1944) и была обновлена ей стара неофициална назва, они тото прияли за атаку на их народность.
| „ | ...против чешско-украинской идеологии требала противотрова и ньов мала быти идеология угро-руська. А одты якбы логично выплывала и назва закарпатскых Украинцьох — Угрорусы, яка стала ся официалнов. | ” |
| Гнат Ігнатович. Від гасниці до рампи..., с. 263. | ||
Походны назвы
Од назвы Угорска Русь походять назвы етноса (Угророссы, Угрорусины, угро-руськый народ), назвы партий (Угроруська национална партия, Угро-руська политична партия)[2] и организаций (Угро-русскый Националный Театер).[5]
См. тыж
Жерела и одказы
- Magocsi, Paul Robert. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. ISBN 978-80-89046-97-3.
- Ігнатович Г. Від гасниці до рампи. Нариси з історії українського театру на Закарпатті. Ужгород: Ліра, 2008 — 344 с. ISBN 978-966-2195-29-3.
- Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. ISBN 978-966-387-044-1.
- Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. ISBN 966-7838-23-4.
Референции
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
