From Wikipedia, the free encyclopedia
Теметов або цинтерь, од лат. dormitorium,[1] через мад. temető або лат. coemeterium[1] од грец. κοιμητήριον койметерион[2] через словац. cintorín “мѣсто сна” — мѣсто де ся покоять тѣла умерлых.[3][4][5]
Католицка Церковь по костелах и каплицях поважуе тыж теметов за святе мѣсто, з той причины теметов мать быти освяченый. З тым звязане и роздѣлене погребѣня умерлых розличной вѣры. В минулости теметовы были при церквах (з того нѣм. Kirchhof), але в сучасности то недозволене зоз санитарных доводох.[3]
Практика незряджѣня теметова при церкви и окреме погребѣня подля вѣры взникла уже од IX. стороча, а обсяговала и пожаданя, обы членове едной парохии были погребены около себе.[4] Окреме погребѣня подля вѣры основане окрем иншого на роздѣлных поглядах религий односно заряджѣня теметова, правил и обряда погребѣня, аж и роздѣлах меджи конфесиями едной религии. Напримѣр, христианство од зачатку поважуе кремацию за вгодный способ погребу, авшак православие тото не схвалюе, лем може толеровати в окремых припадах, але при повинном запрятаню попѣля во гробѣ.[6]
В сучасности право вецерох держав усилуе ся дати теметовам характер цивилный, аж и не уважаючый на вѣру,[4] Такы теметовы называють ся комуналныма и суть маетком громады, а компромисом е, кедь суть подѣлены на секторы подля вѣры. Кебы вшак комунита вырѣшила не уважати на вѣру, в том припадѣ при каждом погребѣ мать быти гроб окреме освячованый.[3]
На организацию теметовох суть строгы санитарны нормы, котры ся розличують по державах. До такых належить, напримѣр, одстояня теметова од найблизшых обывань, котре може быти 100 м аж и 400 м. Ествують тыж нормы, коли стары опущены теметовы можуть быти хоснованы на иншы цѣли, або коли можне повторне погребѣня, што звязане з роспадом мертвого тѣла на просты хемичны злученины, найчастѣйше тот час — 30 рокы.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.