From Wikipedia, the free encyclopedia
Социализм з людсков тварьов, чеш. Socialismus s lidskou tváří — неофициална назва програмы, з котров выступив Александер Дубчек, коли в януарѣ 1968 зостав выбраный за предсѣдателя Централного комитета Комунистичной партии Чехословакии. Официално програма звала ся Акчна програма КПЧ, чеш. Akční program KSČ.[1] Програма была прията 5. апрѣля 1968, хоть уже часточно зачала ся практично реализовати нараз по выголошѣню.
Была зрушена цензура, значный розвой достала култура, были обновлены перед тым заказаны сполоченскы организации Сокол и Юнак, люде легше могли путовати за границѣ. Поступно люде ся збавляли страха и зачинали слободно высловльовати свои погляды. З СССР ай иншых социалистичных держав зачала звучати критика, же тот обродный демократизачный процес може привести до контрареволуции.[2]
Конзервативны комунисты жадали од СССР и «братскых» социалистичных держав военску помочь, жебы тот процес зоперти. Наконець 21. августа 1968 Чехословакия была окупована войсками Варшавского пакта, реформаторы были одстранены, и зачала ся т. зв. «нормализация», котра означала старый курс.
Идея неофициалной назвы програмы могла походити од книгы Людска тварь влады («Power’s Human Face») америцкого политолога Артура Гедли, котра вышла в року 1965.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
