Свен Роналд Густавссон, шв. Sven Ronald Gustavsson; *1. юн 1938, Еребру, Швеция – †12. фебруар 2013, Уппсала, Швеция — шведскый слависта, згледователь «малых языкох».[1][2]
| Свен Густавссон | |
|---|---|
| Sven Gustavsson шв. | |
Увидьте фото | |
| Имя при уроджѣню | Sven Ronald Gustavssonшв. |
| Познатый як | слависта, згледователь «малых языкох» |
| Горожанство | Швеція |
| Уроджѣня | юна 1., 1938 Еребру, Швеция |
| Упокоеня | фебруара 12., 2013 (74 р.) Уппсала, Швеция |
| Научна робота | |
| Сферы наук | славистика |
| Ученый ступень | Ph. D., 1969 |
| Alma mater | Штокголмска универзита |
| Узнаня | |
| Членство в | Кральовска Академия |
| *** VIAF:267243371; GND:132670305; LCCN:n84115267; FAST:134988;
| |
Походив зоз великой фармерской родины, де были семеро дѣти, а их фарма была недалеко од Еребру. По закончѣню середньой школы и военской службѣ штудовав славистику на Штокголмской универзитѣ (1957–1961). В Штокголмѣ наступив до ашпирантуры и працовав над докторсков дизертациов Accent Paradigms of the Present Tense in South Slavonic: East and Central South Slavonic, про котру материалы зберав в Хорватии, а котру обгаив в року 1969.[2][3]
Од року 1970 быв доцентом на оддѣлѣню славистикы Штокголмской универзиты, од року 1977 — професор и ведучый оддѣлѣня славистикы на Уппсалской универзитѣ. Од року 2003 — професор емеритус в Уппсалѣ.[3]
В року 1970 Свен Густавссон став ся едным з первых западных лингвистох, котры штудовали язык Руснакох Войводины. Бесѣду войводинско-сримскых Руснакох дефиновав як окрему славянску етноязыкову единицю ай симпатизовав «змаганям сего етносу заховати властну народностну самосвѣдомость».[1]
Його принципиалный приступ ку штудиям языка выжадовав, жебы язык ся згледовав в контекстѣ културы, религии, исторично-политичных обстоянь, в котрых ся розвивав. Тото окреме важне, кедь иде о «малы», циже меншиновы языкы.[2][3]
За рокы 1969–2009 Свен Густавссон опубликовав понад 160 титулох (монографии, статѣ, редагованя часописох, антологий, словникох, переклады и ревии) в такых непоровнателных языкох, як суть шведскый, англицкый, русскый, болгарскый, сербскый, хорватскый, русинскый, нѣмецкый и польскый.[4]
- Ulla Birgegård. Sven Gustavsson 1 June 1938 – 12 February 2013. // Scando-Slavica 59:2, 2013. pp. 264–265. doi:10.1080/00806765.2013.855475. https://www.tandfonline.com/doi/pdf/10.1080/00806765.2013.855475.англ.
- Paul Robert Magocsi. Gustavsson, Sven. in Paul Robert Magocsi, Ivan Pop. //Encyclopedia of Rusyn History and Culture (Revised and expanded ed.). Toronto Buffalo London: University of Toronto Press, 2005. p. 154. doi:10.3138/9781442674431. ISBN 0-8020-3566-3.англ.
- My Svensson and Olga Klauber. Forty Years of Slavic Studies: Sven Gustavsson’s Bibliography (PDF). Department of Modern Languages, Uppsala University. http://www.diva-portal.org/smash/get/diva2:465802/FULLTEXT01.pdf. [перевірено 2023-06-05].англ.
- Данијел Ристић. СВЕН ГУСТАВСОН (1938–2013). Филолошки факултет Универзитета у Београду. https://muzejsrpskogjezika.rs/2021/03/21/свен-густавсон-1938-2013/. [перевірено 2023-06-01].серб.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
