From Wikipedia, the free encyclopedia
Уппсала, шв. Uppsala — административный центер края Уппсала, комуниты Уппсала ай историчной провинции той истой назвы в Шведском Кральовствѣ.[1]
Крайскый город Швеции
|
Подля обывательства Уппсала — четвертый найвекшый город шведского штату.
Лежить в оддалѣню 64 км на сѣвер-сѣверозапад од Штокголма.[2]
Город познатый од XII. стороча под старшов назвов Östra Aros. В року 1164 став ся сѣдлом архиепископской столицѣ, котра ту зоставать ай доднесь.[3] В року 1435 высвячена готична катедрала, доминанта города.[2]
Катедрала ся стала традичным мѣстом корунации (до року 1719 дванадцять корунаций) и погребу шведскых монархох. В року 1593 ту дефинитивно выголошене лутеранство Аугсбургского вызнаня за повинне про вшитку Швецию.[3]
В року 1477 основана Уппсалска универзита, найстарша в Швеции,[1] а при ней ся зобрала една з найвекшых универзитных библиотек, Carolina Rediviva (1841). Окремым предметом историчного интереса суть ботанична заграда и дом ботаника и природника Карла Линнея.[2]
Од року 1860, коли ту пришла желѣзниця, Уппсала динамично ся вывинула з аграрно-торгового ай универзитного центра на индустриалный.[2]
Традичныма конарями промысла суть машинарскый, полиграфичный и фармацевтичный.[1] В новшой добѣ Уппсала ся стала едным зоз свѣтовых центрох медицинскых ай биологичных технологий (130 компаний).[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
