From Wikipedia, the free encyclopedia
Орест Сабов, *8. октобра 1867, Драгово (Kövesliget), Жупа Мараморош, Мадярске кральовство[1] — †1939, точнѣйшый датум и мѣсто смерти непознаты[2] — правник, политик, урядник высокого ранга, писатель.
| Орест Сабов | |
|---|---|
| Szabó Oreszt мад. | |
 | |
| Чинность | правник, политик, высокый урядник, писатель |
| Сфера | політіка |
| Горожанство | Мадярьско |
| Уроджѣня | октобра 8., 1867 |
| Драгово, Жупа Мараморош, Мадярске кральовство | |
| Упокоеня | 1939 непознате |
| Похованя | Фаркашреті |
| VIAF:188144782711193863799; LCCN:n2015061882; NLKR/NLC:js20231185494; GKG:/g/120lqmf8;
| |
Орест Сабов абсолвовав юридичну факулту Будапештской универзиты.[3][4] По зысканю дипломы правника служив яко секретарь наджупана а пак журат в жупах Бестерце-Насод и Берег. Од зачатку войны (1914) четыри рокы служив яко представитель мадярской влады и шеф политичного оддѣла при главном велительствѣ войска.[1]
Наступно быв фаховым радником на Министерствѣ внутра, а од 17. новембра 1918 наджупаном Унгу; од 1. децембра 1918 — владный комисарь про девять жуп, де бывали Русины; од 29. децембра 1918 до 21. марца 1919 — Министер Руськой Крайны. По безкровном комунистичном переворотѣ 21. марца быв му понукнутый пост народного комисаря Руськой Крайны, котрый не прияв (тот пост пак заняв Августин Штефан).[5]
10. децембра 1918 Орест Сабов зобрав до Будапешту зъѣзд представительох Русинох, де были шпециалным потягом доправлены Русины зо вшиткых округох Угорской Руси в числѣ 200 особ. Перед участниками выступили будапештскы Русины, котры давно и основно интегровали ся в мадярску културу и сполоченство. Замѣр организаторох быв пересвѣдчити участникох, же Русинам Угорской Руси лѣпше зоставати ся в лонѣ Мадярщины. Але против того найострѣйше выступив проукраинскы ориентованый надпоручник Степан Клочурак, велитель Ясѣнской Народной Обороны, котрый быв подтриманый его колегами. Клочуракови быв пропонованый пост секретаря на министерствѣ, але на то ся не злакомив. На том зъѣздѣ не пришли на едину думку, а заключили продовжити обговорѣня в краю. Неодовго, 25. децембра 1918, влада Карольи ввела в дѣю (опубликовала) Народный закон о Руськой Крайнѣ, народностной автономии Русинох, в приготовлѣню котрого мав найвекшу заслугу Орест Сабов.[6][7]
Книга Сабова о Русинах е компилациов з робот Юрия Калмана Жатковича, Тивадара Легоцкого и Иштвана Семана, котры выхосновав з дозволу авторох.[3][4]
Деталну роботу о книзѣ Сабова, з ей репринтом, украиноязычным рефератом, а тыж розвѣдку о самом авторѣ опубликовав историк УжНУ Олег Мазурок.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
