From Wikipedia, the free encyclopedia
Лѣс[1] — зложена екологична система, в котрой дерева суть доминантнов формов живота. Лѣс — найефективнѣйша екосистема природы зоз высоков вагов фотосинтеза, вплываючого ай на ростлинну, ай на животинну системы в рядѣ компликованых органичных взаемных повязань. Лѣсы можуть ся розвивати в розличных условиях, а вид землѣ, ростлинного и животинного свѣта ся розличуе в зависимости од екстремных оддѣянь окружѣня.[2]
.jpg)
Лѣсы суть на вшиткых континентах, окрем Антарктиды, а занимають над 30% земской певнины. Найвецей полѣснены суть Середня и Южна Америка — 48%, найменше Австралия — 5%. Европа полѣснена на 27% (без России), Сѣверна Америка на 25%, Азия на 19% (без России), Африка на 18%, Австралия на 5%. Россия полѣснена на 48%.[3]
| Штат | Плоха, млн. га | |
|---|---|---|
| 1 | Российска Федерация | 809 |
| 2 | Бразилия | 520 |
| 3 | Канада | 310 |
| 4 | Споены Штаты Америцкы | 304 |
| 5 | Китайска людова република | 207 |
Жебы лѣсы екзистовали, минимално теплоты в лѣтных мѣсяцях мають быти над 10° C, а рочны атмосферичны выпады — над 200 мм. Суть три основны типы лѣса, дефинованы географичнов широкостьов:[2]
В Сѣверной полукули великы плохы занимають иглисты лѣсы (тайга); про тоты характерна односна простота штруктуры и бѣдность видового состава. Дале ку югу все вецей зачинають ся лѣсы теплолюбивых широколистных файт, помалы заступаючы иглисты. Штруктура лѣса ся компликуе, росте видова пестрость флоры. Вогкы тропичны лѣсы ся сформовали в тропичном поясѣ по оба бокы екватора, де высока вогкость и теплоты через цѣлый рок суть в границях 25–30 °С, позарядово рознородны подля видового состава, мають высокы дрѣкы, зложену вецеступньову мозаичну штруктуру; значна часть деревных файт ту суть вѣчнозелены. Богато представлены лианы и епифиты, што ростуть на дрѣках дерев. Такы лѣсы найвекшы плохы занимають в Латинской Америцѣ.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
