Любор Нидерле
From Wikipedia, the free encyclopedia
From Wikipedia, the free encyclopedia
Любор Нидерле, чеш. Lubor Niederle (псевд. тыж L. Novotný), *20. септембер 1865, Клатовы[1] – †14. юн 1944, Прага — чешскый слависта, антрополог, етнограф, археолог и музейник, поважованый за едного зо закладательох модерной чешской археологии.[2][3][4][5]
| Любор Нидерле | |
|---|---|
| Lubor Niederle | |
 PhDr. Lubor Niederle, 1937 | |
| Познатый як | закладатель модерной чешской археологии |
| Горожанство | Чеськословеньско |
| Уроджѣня | септембра 20., 1865 |
| Клатовы, Австрийска империя | |
| Упокоеня | юна 14., 1944 (78 р.) |
| Прага, Протекторат Чехы и Морава | |
| Похованя | Ольшанський цвинтар |
| Научна робота | |
| Сферы наук | археология, етнография, славистика |
| Ученый ступень | PhDr. |
| Alma mater | Карлова универзита |
| Главны роботы | Slovanské starožitnosti |
| Узнаня | |
| Членство в | Академия наук СССР |
| Одзнакы | |
| Любор Нидерле на Викискладѣ VIAF:97126942; GND:118786148; LCCN:n91022971; FAST:282660; BNF:12811508d; OL:OL785129A, OL2281507A;
| |
Абсолвовав филозофску факулту Карловой универзиты (1887). Професор преисторичной археологии и етнографии на Карловой универзитѣ (1898-1929). Закладатель и первый директор Археологичного инштитута в Празѣ (1919-24). В року 1893 вышла його книга Людство в преисторичной добѣ, де выкладена археология вшиткой Европы од палеолита до середновѣку включно. В 1902–34 опубликовав многотомне дѣло Славянскы старожитности (тт. 1–3, 1902–19, 2-а часть под назвов Култура давных славянох, тт. 1–3, 1911–34), выникаюче научнов точностьов и объективностьов. В той роботѣ зобрано вшитко, што тогды было познате о славянах IX.–XII. стороча, переважно по выкопавках в Чехии и России, и указана выразна и своефайтова славянска култура. Оперши ся на археологичны податкы и поровнавши их с историчныма, филологичныма и етнографичныма материалами, Нидерле выказав културну общность славян в середновѣку.[2]
Нидерле был промотором модерных археологичных методох «универзитной школы», основаных на критично-аналитичном приступѣ ку жерелам. Въедно зоз своим давным сполочником археологом Карелом Бухтелом выступив против «музейной школы» (Й. Л. Пич) и в коавторствѣ написали Приручник чешской археологии (1910), в котром описали доисторичны подѣи в Богемии в доднесь вызнаном выкладѣ. Хоть и Нидерле и Пич были щирыма Чехами и глубокыма патриотами, их роздѣляло то, як приступали ку жерелам. Пич быв «антикваром» XIX. стороча и марнославным оборонительом рукописох, а Нидерле уже быв модерным експертом XX. стороча: нигда не поплѣв презумпцию достовѣрности з конкретным, доказателным фактом.[6]
В Славянскых старожитностях и в окремых статьях о Карпатской Руси Л. Нидерле писав, же предкы карпатскых Русинох зачали заселяти територию Подкарпатской Руси уже в V. сторочу,[4] а появили ся ту, подля його думкы, яко сполочници Гунох, котры заяли Паннонию. Занимав ся тыж спорнов темов русинско-словацкой етничной границѣ.[5]
Seamless Wikipedia browsing. On steroids.