From Wikipedia, the free encyclopedia
Крета, гр. Κρήτη, англ. Crete — найвекшый остров Греции, а тыж пятый найвекшый остров в цѣлом Середоземном морю.[2]
Остров Крета | |
---|---|
Κρήτη гр. | |
Рельеф острова | |
География | |
Найвысша точка | Псилоритис, 2456 м н. м. |
Довжка | 260 км |
Ширина | 60 км |
Розлога | 8 261 км2 |
Локализация | Восточне Середоморя |
Координаты | 35°12.6′N 24°54.6′E |
Администрация | |
Юрисдикция | Греция |
Обывательство | 623 065[1] (2011) |
Центер | Ираклио |
Интегрована мапа Креты | |
Локачна мапа Креты в Греции | |
Остров Крета на Викискладѣ |
Крета е административно една зоз 13 грецкых провинций.
Перва высокорозвита култура на островѣ, з котрой ся заховали памяткы, была минойска: 2500–1100 до РХ. Минойчане не были Греци. Кретяне суть потомками Минойчанох, помѣшаныма з позднѣйшыма приселенцями, они мають иншакы звыкы сопротив континенталной Греции, и их диалект ся значно одличуе од литературной грекчины.
Остров мать три горскы масивы: Бѣлы горы (Лефка), Ида, Дикти, вышка котрых сягать за 2000 м н. м., складены суть з вапняникох и лупкох, розвитый крас.[2] Найвысша точка: верх Псилоритис, 2456 м н. м. в масивѣ Ида в середной части острова. Сѣверный берег почлененый заливами, южный переважно гладкый, часто зарвистый. Главны приставы — Ираклио, Хания суть на сѣверном березѣ.
Клима и флора — середоморскы. Середна теплота януара 12°C, юла — 26°C.[3] Аграрны културы: грозно, оливы, пшениця, кендериця, доган. В скотарствѣ переважать овчарство. Розвите рыболовство, промысел морскых губок.[2]
Народный парк Самария хранить горску флору и фауну. Велике число памяток античной и середновѣкой културы.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.