From Wikipedia, the free encyclopedia
Середомо́ря, исп. Cuenca del Mediterráneo, фр. Bassin méditerranéen, ит. Bacino del Mediterraneo, тур. Akdeniz Havzası, геб. אגן הים התיכון, ар. حوض البحر الأبيض المتوسط — историчный и землеписный регион, якый загорнюе землѣ в басейнѣ Середоземного моря. Середоземне море было колысков мореплаваня, ту взникли, сполужили, активно торговали и вымѣньовали культурны досягнутя найдавнѣйшы цивилизации (Старовікый Египет, Фениция, Старовіка Греция тай иншы. По завойованю цѣлого Середоморя Римсков империев, оно ся вывинуло на найрозвитѣйшый регион старовѣку.
Островане з Креты уж в зачатку ІІ. тысячроча до н. е. торговали з Египтом. Около року 1500 до н. е. их вычеряли Феничане, котры створили свои колонии на берегах моря. За ними цѣле Середоморя опановали Римляне. По упадку Римской империи южны берегы Середоземного моря опановали Арабы.[1] В 7-16. ст. Середоморя стало ся регионом двох религий: христианства тай исламу. Византска империя в 15. ст. заникла, а розмогла ся Османска империя (1299-1922).[2] Середоморя в каждой историчной добѣ было регионом, котрый вплывав на цѣлу Европу.
Днешне Середоморя сопротив Сѣверной и Западной Европы е промыслово заосталым и худобным регионом, жие пригамованым темпом и старыми способами газдованя. Главным конарьом економикы региона зоставать туристика. Туристы притягуе стабилно добрый лѣтушный час, красны ландшафты, множество историчных памяток. Найвекшов проблемов региона зоставать напятя и конфликты межи трема набоженствами: исламом, христианством и юдаизмом.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
