Квасы́, до року 1946 Тисаборкут, укр. Кваси — село в Раховском районѣ Закарпатской области Украины, сѣдлиско Квасовской сельской рады, ку котрой належать тыж села Ситный и Тростянець.[1]
Коротка інформація
Закрити
Село лежить на обох берегах Чорной Тисы о 14 км повыш Рахова. Через село иде желѣзниця Рахово – Ивано-Франковск и автодорога Ужгород – Ивано-Франковск.[1]
- Назва
- Перва документована упоминка о селѣ походить з року 1648, а назва села Боркут, мад. Borkút походить з тутешного мадярского диалекта и означать “квасну воду”, минералку. Тоту назву в подобѣ буркут позычили собѣ и мѣстны Румыны. Русинска назва Квасы, истого вызнаму, задокументована уже од року 1725.[2]
- Купелѣ
- Од середины XIX. стороча село достало знамости своима лѣчивыма водами, боркутами, и ту зачало ся розвивати купельництво. Спочатку была то деревяна хыжа з четырма избами, в котрых стояли деревяны кади на лѣчивы купелѣ. В чехословацкой добѣ выставили нову векшу купелну будову, а коло ней готел на 20 изб зоз 50 постелями.[3] При совѣтской добѣ од року 1958 фунговав пансионат «Горска Тиса».[1]
- Вѣра
- В року1860 освячена нова грекокатолицка деревяна церква Роздва Пресвятой Богородицѣ, котра была росширена в року 1931. В року 1930 громада мала 1202 парохианы.[3]
- Чехословацка доба
- В року 1930 село мало 1500 обывательох, з котрых 1245 — Русины, 161 — Евреи, 39 — Чехы и Словаци, 15 — Мадяре, 2 — Нѣмцѣ, 37 — чужинцѣ без чехословацкого горожанства, 1 — неозначеный. В селѣ была державна пошта, желѣзнична штация, русинска школа (5 клас), чешска школа (1 класа), а на полонинѣ Квасовскый Менчул — державна молочарня на переробку молока. В приселках Ситный и Тростянець были окремы русинскы школы (по 1 класа).[3]
Пансионат Горска Тиса в року 1977 по реконштрукции достав статус санатория. В року 2008 была далша модернизация, котра подняла комфортность, и днесь санаторий мать добру репутацию.[4]
Sebestyén Zsolt, сс. 30–31.
Санаторій «Гірська Тиса». Історія.
Навигация по Раховскому району
|
