From Wikipedia, the free encyclopedia
Канаан — стародавна семитска держава, котра просперовала на середоморском побережу Близкого Выхода в 3. – 1. тысячрочу до н. е. Старовѣкы Грекы познавали обывательох той державы яко Феничан. Але фактично Канаанцѣ были етнично рознородны: вшиткы Феничане были Канаанцѣ, але не вшиткы Канаанцѣ были Феничане.[1]
.jpg)
Канаан лежав на запад од рѣкы Йордан и Мертвого моря,[2][3] на землях, котры днесь належать ку Либанону, Сирии, Йордании тай Израелу, а познавали го тыж под назвов Фениция. Одкы походить тота назва и што значить, не екзистуе еднозначна думка меджи ученыма. Подля Библии (Перва книга Моисеева, 10) назва той землѣ походила од имена Ноевого внука, Канаана.[1]
Семитскы кочовы народы пришли в тоту землю около року 2300 до н. е.[4] Земля не была найлѣпша про земледѣлство, зато их главным занятьом стала ся торговля и ремесла. Найвекшов их заслугов перед людсков цивилизациев быв алфавит, котрый послужив на розвой писма иншых народох в далшом ходѣ истории. Найвекшы културны и торговы контакты мали зоз Мезопотамиев и Египтом, а поступом часу росширили свой засяг на вшитко Середоморя. Канаан не быв единов державов, але складовав ся з окремых невеликых держав-городох. Од XVI. – XV. стороча до н. е. быв абсорбованый Египетсков империев, але просперовав, як и перед тым. Около року 1300 до н. е. зачали ся великы непокои меджи Асирийцями, Хетитами и Египтянами. Многы канаанскы городы были спустошены, наймя меджи роками 1250 – 1150 до н. е. Подля Библии (Книга Исуса Навина) якраз одважный израелитскый генерал и пророк Исус Навин быв тот, котрый зоз своим войском вторгнув ся на землѣ Канаана и завоевав их, понеже то была земля, обѣцяна Богом народу Моисеевому. Хоть штось подобне и говорить Библия, историци и археологы не мають пересвѣдчены факты, же то было так.[1][5]
В ходѣ далшых инвазий Канаан быв стѣсненый на узке пасмо побережа на сѣверѣ, де их городы Библ, Сидон, Тир дале просперовали з торговлѣ. Од того часу там уж ся споминають лем Фениция и Феничане. Тота територия одповѣдать днешному Либанону.[1] В первых роках I. стороча цѣлый восточный берег Середоземного моря уже належав Римской империи.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
