В януарѣ 1915 екзиловы словенскы и хорватскы политици створили в Римѣ Югославянский комитет, до котрого вошли тыж важны политичны дѣятеле Далмации, Боснии и Герцеговины. Комитет мав програму створѣня державы южных славянох на принципах федерации, вывинуту на противагу идеѣ «Великой Сербии», которой ся держали пановны националистичны кругы Београда. Противниками хотьякого югославянского единого штату были Британия и Франция, котры не хотѣли роспад Австро-Мадярщины и были против панславизма, ай вшиткого, што могло звекшити российскы вплывы на Балканѣ. Але найвекшым противником была Италия, котра не хотѣла мати под боком силного конкурента, а окрем того на части наявленых «югославянскых земель» мала значный процент талианского обывательства. Россия подтримовала оба варианты единого югославянского штату и од року 1916 формовала на своей територии Югославянскый корпус зоз войновых заятцьох, котрый мав войовати против Австро-Мадярщины.[1]
Корфска декларация
По револуции в РоссииСербия зостала без своей традичной вонкашнополитичной российской опоры. В той ситуации сербскы пановны кругы пристали на сериозны догваряня з емигрантскым Югославянским комитетом. 20. юла1917 на островѣ Корфу подписали декларацию о створѣню будучого независлого единого югославянского штата, де было догварене, же Кральовство Сербох, Хорватох и Словенцьох загорне до себе вшиткы югославянскы землѣ Австро-Мадярщины, Сербию и Чорну Гору. Конштитуцию буде мусѣти выпрацовати шпециально скликаный Закладаючый сойм, але наперед было рѣшене, же нове кральовство буде конштитучна монархия под панованьом династии Караджорджиевичох, а не федерациев. Так ся стало через силнѣйшу позицию Сербии, котра мала меджинародне вызнаня, бо Югославянскый комитет того не мав.[1]
Держава СХС
Зачатком року 1918 вступили в войну США и перевага Антанты стала ся очевидна. Америцкый президент В. Вилсон8. януара1918 выступив перед Конгресом зоз програмов повоенного упорядкованя, познаванов яко Штырнадцять пункты, в котрой пункт 10. писав: «Народам Австро-Мадярщины... мать быти дана найвекша можность автономного розвою». Восени 1918 зачала ся агония Австро-Мадярщины, 4. октобра ей влада загнала державам Антанты ноту, в котрой предкладала мирны переговоры. 6. октобра в Загребѣ было сформоване Народне вѣче югославянскых народох, котре 29. октобра1918 прияло резолуцию о выходѣ з Австро-Мадярщины вшиткых югославянскых провинций и створѣню самостойной Державы Словенцьох, Хорватох и Сербох.[1]
Держава СХС ладила загорнути вшиткы бывшы австро-мадярскы землѣ, заселены славянами. Але сербске обывательство Войводины (Банат, Бачка и Баранья) споило ся под сербскым народностным проводом в Новом Садѣ и 25. новембра1918 прилучило ся ку Кральовству Сербия. За день до того, 24. новембра1918, перва часть Державы СХС, Срѣм, не бизуючи ся, же така, дотогды невызнана держава зостане, оддѣлила ся од ней и прилучила ся ку Сербии.
Задохин А. Г., Низовский А. Ю. Пороховой погреб Европы. — М.: Вече, 2000. — 416с. (Военные тайны ХХ века). ISBN5–7838–0719–2Одчитане: 25.02.2021стр. 140–147русс.
.svg)
.svg){kind=small}
