From Wikipedia, the free encyclopedia
Санок (повнов назвов Кралевскый вольный город Санок[2]) – повѣтовый город в Подкарпатском воеводствѣ. В городѣ находить ся тыж уряд сельской гмины Санок, але сам город до ней не належить.
Вольный кралевскый город Польщи
Санок
Sanok пол.
|
Город лежить в долинѣ Сану, 52 км на юговосток од Перемышля, около 30 км оддаленый од словацкой граници на югу и украинской на востоку. Входить до еврорегиону Карпаты.
Найстарша, лѣтописна, споминка походить з року 1150 (Ипатьевскый лѣтопис).
20. януара 1339 город и его обывателе: Мадяре, Нѣмцѣ, Поляци, Русины — достали од руського краля Юрия II. Болеслава Тройденовича привилегии города на основѣ магдебургского права[3].
Року 1340, по отровлѣню Юрия II. Болеслава боярами, Санок достав краль Казимир III. Великый подля права наслѣдства, включив го под корону Кралевства Польского и потвердив его права, а 25. апрѣля 1366 даровав му статус Кралевского вольного города.
Од 5. юла 1772, по первом роздѣлѣню Польщи Санок достав ся до Габсбургской монархии.
Року 1915, од мая до юла, город быв оккупованый российскым войском и потерпѣв значны шкоды.
В добѣ Другой Польской републикы (1919–1939) Санок быв културным центром Лемкох и Украинцьох, але в року 1947 в операции Висла они были депортованы на запад Польщи на новоодзысканы землѣ. В року 1939 около 30% обывательства чинили Жиды, котры занимали ся торговльов и промыслом, в часѣ Другой свѣтовой войны были они вынищены. В роках 1939-1941, подля пакту Молотова-Риббенторопа по рѣцѣ Сан через Санок проходила державна границя: правобережна часть города была совѣтска, а лѣвобережна — нѣмецка.
Околицѣ Саноку были едным з найдавнѣйшых мѣст во свѣтѣ, де добывали нафту. Материалы о том мож видѣти в Музею народной архитектуры, в сканзенѣ.
Днесь основу економикы Санока чинять двѣ великы товарнѣ: гумаренска фабрика Stomil и автобусова фабрика Autosan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.