Перемышль

Пере́мышль (пол. Przemyśl, укр. Перемишль) — пограничный город на юго-востоку Польщи, положеный на рѣцѣ Сан, 14 км од границѣ Украины, вызнамна мытна штация на желѣзничной магистрали Львов — Краков.

Перемышль

Перемышль, Польща

Город Перемышль Przemyśl поль. Застава Герб Давны назвы Praemislia лат. Держава ПольщаПольща Воеводство ПодкарпатскеПодкарпатске Повѣт город на правах повѣта Президент города Роберт Хома Координаты 49.782222, 22.77444449°46′56″ с. ш. 22°46′28″ в. д.49.782222° с. ш. 22.774444° в. д. (G) (O) (Я) Розлога 46,17 км² Обывательство 56 466 [1] особ (2023) Часова зона UTC+1, влѣтѣ UTC+2 Телефонный код +48-16 Поштовый индекс 37-700 аж 37-720 SIMC 0971672 Официалный сайт

История

Нѣмецькы вояци при навщивѣ костела в Перемышлю в часѣ Первой свѣтовой войны

Перемышль первый раз спомянутый в хрониках под роком 981, коли великый князь Киевскый Владимир І. забрав од Ляхох^[2] тот город въедно з иншыма.^[3][4]

До половкы 14. ст. перебывав переважно под юрисдикциев Галицко-Волынского княжества, хоть нераз переходив до рук мадярскых кральох, а по занику княжества (1340) переходить под владу польской коруны.

Городом магдебургского права став ся в року 1389 з милости краля Владислава ІІ. Ягелла.

По роздѣлѣ Польщи (1772) достав ся Австрии и од року 1874, яко пограничный город, быв перетвореный на перворядну военну крѣпость. В роках 1914-1915 мав великый вызнам в боях. Первый раз в року 1914 до 9. септембра росийске войско з великыма утратами безуспѣшно штурмовало и одышло. Другый раз 11. новембра 1914 облягли город и так 22. марца 1915, коли засобы оборонцьох ся вычерпали, генерал-поручик Кусманек дав розказ знищити муницию и здав город. Але уже 3. юна 1915 по паруденном штурмѣ город быв назад в руках австрийскых.^[5]

В роках 1939-1945 быв окупованый совѣтскым и нѣмецкым войском наперемѣну, але наконець вернутый.

Набоженство и култура

Перемышль быв и зоставать вызнамным религийным и културным центром. Ту были выпечатаны многы книгы Александра Духновича. Днесь в городѣ представлены набоженства:

• католицке (римокатоликы и грекокатоликы);
• православне;
• протестантскы (евангелисты-методисты, адвентисты, баптисты и др.).

Економика

В Перемышлю ествуе дереварскый промысел (выроба пресованых плит), выроба механична и промысловой автоматикы, косметикы, полотен. З традичных и людовых ремесел — зливаня звонох и продукция пипок.

Жерела и одказы

• Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935.
• Перемышль, город в Галичу // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

Референции

1. 2023. Główny Urząd Statystyczny
2. В лѣтописах того часу Ляхы — западны славяне: поморяне, поляне (Поляци), лютичи, мазовшане.
3. интернетове выданя Полное собрание русских летописей, т. I., Ленинград, 1926–1928.
4. Обсяг, як и довѣрыгодность того жерела оспорьовав украинскый историк Михайло Грушевскый в роботѣ История Украины-Руси, т. I, Львов 1904.
5. Révai nagy lexikona. Том 15, с. 737.