Майдан (Закарпатска область)

Майдан — село в Межгорском районѣ Закарпатской области Украины.

Суть другы вызнамы, см. Майдан (чеперушка).

Cело Украины Майдан Церковь Св. Николая в Майданѣ, XVIІІ. ст., згорѣла року 1974.[1] Фото зробленое около р. 1920, коли автономна Подкарпатска Русь была частьов Чехословакии. Майданка — стара назва села, року 1924 село уже звало ся Майдан. [2] Давны назвы Majdánka Еврорегион КарпатыКарпаты Область ЗакарпатскаЗакарпатска Район Межгорскый Сельска рада Майданска Координаты 48.611667, 23.50194448°36′42″ с. ш. 23°30′07″ в. д.48.611667° с. ш. 23.501944° в. д. (G) (O) (Я) Розлога 210 км² Надморска вышка 548 м Обывательство 1717 особ (2001) Часова зона UTC+2, влѣтѣ UTC+3 Телефонный код +380-3146 Поштовый индекс 90024 КОАТУУ 2122483301

Полога и околиця

Село лежить при втоку рѣкы Голятинкы в рѣку Рѣка на одстояню 12 км од районного центра. До найблизшой желѣзничной штации (Воловець) — 45 км.^[3] В околици суть вецеры жерела «квасной» воды. На сѣвер од села на плосѣ 42 га во вышках 650 аж 900 м лежить ботанична памятка природы «Готарь Голятин» з реликтовыми видами сосны обычайной (Pinus sylvestris L.) и сосны чорной (Pinus nigra) зо стромами вѣком до 170 рокы. На восток од села — ландшафтный заказник «Готарь Грабовець» з плохов 189 га. В самом селѣ и в околици суть добры можности убытованя в готелох.

История

Перва упоминка о селѣ в историчных жерелах односить ся на XVI. ст., тогдышна назва его была Борис-Полянка. Под назвов Майданка упоминать ся од XIX. ст.^[3] Закладателѣ и первы паны села были члены грофской родины Телекиовцьов. Уже в XIX. вѣку село мало пилу на водяный погон. Року 1910 в селѣ жило 2622 людей: окрем Русинох еще 826 Нѣмцьох, 50 Мадярох. Подля вѣры: грекокатоликы 1761, израелиты 833, римокатоликы 21.^[4]

Стару назву села Майданка змѣнили на Майдан зачатком 1920-х рр., в чехословацкой добѣ.^[2] Року 1930 в селѣ были 2873 жителѣ: Русины — 2009, Евреи — 797, Чехы и Словаци — 35, Нѣмцѣ — 14, Мадяре — 7, иншы — 5, чужоземцѣ — 6. Подля вѣры: 1157 православных, 857 грекокатоликох. В селѣ быв нотариат, пошта, жандарьска станиця. Ходив державный автобус. Была чешска державна школа (2 классы) и фарска грекокатолицка (4 классы).^[1]

Року 1969 жительох было 1340. В селѣ была централна справа колгоспа «Револуционер», якый мав 2365 га землѣ, з того ораницѣ — 170 га, косаловох и пашковох — 900 га. Главный напрям быв скотарство. В селѣ быв тыж млин и пила. Была осемрочна школа, библиотека, клуб на 400 мѣст. Верхный Быстрый еще належав до Майданской сельской рады.^[3]

Жерела

• Dr. Jiří Král. Podkarpatská Rus. V Praze, nákladem vlastním, 1924.
• A történelmi Magyarország atlasza és adattára 1914 ISBN 963 85683 3 X
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5.
• Тронько П. и др. (ред.) Історія міст і сіл України. Том 7. Закарпатська область. К. 1969.

Одказы

• Природно-заповѣдный фонд Межгорского района (укр.)
• https://goo.gl/maps/eHDtWSYE2my Кругова панорама села 1 (фото, 2015)
• https://goo.gl/maps/gjvtsi1Y9fs Кругова панорама села 2 (фото, 2015)

Референции

1. Достал Я., с. 65.
2. Dr. Jiří Král, c. 117
3. Тронько П., с.373.
4. A történelmi Magyarország

Навигация по Межгорскому району Районный центер: Межгорье Села: Берегы • Буковець • Верхный Быстрый • Верхный Студеный • Вучково • Голятин • Горб• Дӯл • Завирьхня Кычера • Завыйка • Загорб • Запереділ • Изкы • Келечин • Колочава• Косӯв Вирьх• Лозянскый • Лопушня • Ляховиць• Майдан • Мерешор • Негровець • Нижный Студеный • Новоселиця • Пилипець • Подобовець • Пудчумаль• Поток • Прислоп • Рекіты • Репинное • Ростока • Рѣчка • Свобода • Синевир • Синевирска Поляна • Соймы • Сопкы • Стрыгалня • Сухый • Титковцѣ • Торунь • Тюшка