Йонске море, дгр. Ἰόνιον Πέλαγος, лат. mare Ionium, грец. Ιόνιο Πέλαγος, ит. mar Ionio, алб. Deti Jon — часть Середоземного моря, положена меджи югозападным берегом Балканского и юговосточным берегом Апенинского полуострова ай восточным берегом Сицилии. Сѣвернов границьов е пролив Отранто. Южна границя моря лежить од юговосточной оконечной точкы Сицилии (мыс Пассеро) до оконечной южной точкы Пелопонеза.[1]
Йонске море | |
---|---|
![]() Выгляд з Корфу на берег Греции, злѣва в дали Албания | |
Полога | |
Континент | Европа |
![]() Червены линии указують сѣверну и южну границѣ Йонского моря, як суть означены Меджинароднов Гидрографичнов организациев | |
Координаты | 38°N 19°E |
Розмѣры | |
Розлога | 169 000[1] км2 |
Глубина мкс | 5121[1] м |
Соленость | ≥38‰[1] |
Тип объекта | море |
Йонске море на Викискладѣ |
Йонске море омывать берегы Греции и Италии. Злучене на сѣверѣ з Ядранскым морьом через пролив Отранто, на западѣ з Тиренскым морьом — через Мессинску узину. Плоха 169 тыс. км2. Максимална глубокость 5121 м (в юговосточной части Йонского моря, а заедно найвекша про вшитко Середоземне море).[1]
- Означѣня границь подля IHO
- сѣверна границя иде од устя рѣкы Бутринто (юг Албании) вздовж сѣверного берега острова Корфу (Греция) до маяка Санта Мария ди Леука в Италии;
- восточна границя иде берегами Греции, западна — берегами Италии;
- южна границя иде од мыса Матапан (южна точка Пелопонеза) до мыса Пассеро (южна точка Сицилии).
Клима середоморска субтропична. Переважають сѣверозападны вѣтры, характерны приморскы вѣтрикы. Середня теплота фебруара од 7°С на сѣверѣ до 13°С на югу, августа респективно од 24 до 26°С. Взимѣ хмарно и дождливо (выпаде 60-70% рочных падавин). Влѣтѣ переважно ясна хвѣля зоз выразными приморскыма вѣтриками. Поверховы пруды творять циклоналны кружѣня; их скорость тока около 1 км/год. Теплота воды од 14°С в фебруарѣ до 25,5°С в августѣ. Соленость над 38‰. При днѣ моря теплота около 13°С, соленость 38‰.
Рыбарство (макрела, тунь, плоскач, мугил). Найвекшы приставы: Патра, Керкира (Греция), Таранто, Катания (Италия).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.