Ucraine
State de l'Europe oriendale From Wikipedia, the free encyclopedia
L'Ucraine (/uˈkraina/; jndr'ô ucraine Україна, Ukrajina /ukraˈjina/}}) jè 'nu state (603.700 km², 46.958.740 crestiáne ad 'u 1º decèmmre 2005, capitale Kiev) de ll'Europe oriendale. Tène 'nu sbocche sus ad 'u Mar Gnure a sud e confine cu 'a Russie ad est, 'a Russie Vianghe a nord e cu Pulonie, Slovacchie, Ungherie, Romanie e Moldavie ad ovest.
| Ucraine | |
|---|---|
 (dettaglie)
 (dettaglie)
Воля, Злагода, Добро
(Volja, Zlahoda, Dobro) (Traduziune:Franghèzze, Conzense, Bondate) | |
.svg) | |
| Date amministrative | |
| Nome comblete | Ucraine |
| Nome ufficiale | Україна |
| Lènghe ufficiale | Ucraine Pulacche (Ausate jndr'à lle confine cu 'a Pulonie) |
| Capitale | Kiev (2.611.300 ab. / 2001) |
| Politiche | |
| Forme de governe | Repubbleche semipresidenziale |
| Presidende | Volodymyr Zelens'kyj |
| Prime Ministre | Denys Šmihal' |
| 'Ndipendenze | Da ll'URSS, 24 aguste 1991 (dichiarata), 1 decèmmre 1991 (referendum), 25 decèmmre 1991 (recanosciute) |
| Trasute jndr'à l'ONU | Da 'u 24 ottommre 1945 |
| Superficie | |
| Totale | 603.700 km² (43º) |
| % de le acque | trascurabbele% |
| Popolazzione | |
| Totale | 46.263.079 ab. (2008[1]) (25º) |
| Denzetà | 78 ab./km² |
| Sciugrafije | |
| Continende | Europe |
| Fuse orarie | UTC +2 |
| Economie | |
| Valute | Grivnia ucraine |
| PIL (nominale) | 336,851 milione de $ (2008) (34º) |
| PIL pro capite (nominale) | 7,342 $ (2008) (95º) |
| ISU (2007) | 0,796 (medie) (85º) |
| Varie | |
| Codece ISO 3166 | UA, UKR, 804 |
| TLD | .ua |
| Prefisse tel. | +380 |
| Sigle autom. | UA |
| Late de guide | Destre (↓↑) |
| Inne nazionale | Šče ne vmerla Ukrajina |
| Feste nazionale | 24 aguste |
| |
L'Ucraine jè 'na repubbleche, 'u Presidende d'a Repubbleche de ôsce a die jè Petro Porošenko mendre 'u Prime Ministre jè Volodymyr Groysman.
'A lènga ufficiale jè l'ucraìne. Assaje diffuse jndr'à lle reggione oriendale jè 'u russe, ca jndr'à repubbleche autonome d'a Crimee jè pure lènga ufficiale. Jndr'à lle reggione occidentale 'nvece jè assaje diffuse 'u pulacche.
 |
Pe approfondimende, 'ndruche 'a vôsce Sciugrafije de ll'Ucraine. |
L'Ucraine, cu le soje 603700 km² de grannèzze jè 'a seconne naziune cchiù granne d'Europe, nnande ad 'a Russie europee e d'apprìme ad 'a Frange metropolitane. 'U confine de ll'Ucraine cu lle otre statère jè longhe 4558 km, scucchiáte 'mbrà Russie Vianghe (891 km), Ungherie (103 km), Moldavie (939 km), Pulonie (428 km), Romanie (169 km a sud, 362 ad ovest), Russie (1576 km) e Slovacchie (90 km), oltre a le 2872 km de coste marittime.
'U paisagge ucraine conziste prevalentemènde jndre fertile chianure o steppe attraversate da assaje jume, 'mbrà cui 'u Dnepr, 'u Donec, 'u Nistro, e 'u Bug meridionale ca vonne ccu se scètte jndr'ô Mar Gnure e jndr'ô cchiù piccele Mar d'Azov. Jndr'à vanne sudoccidentale 'u delte d'u Danubie costituisce 'u confine cu 'a Romanie. Le picche catene monduose presende sonde le propaggene de le Carpazie, ad ovest, ('a cui cime cchiù ìrte jè 'u Hoverla (Goverla) cu 2061 m e le mundagne d'a penisole de Crimee.
Le cetate cchiù 'mbortande sonde: Kyiv (2.643.000 ab., jndr'ô tagliáne Kiev), Charkiv (1.455.000, jndr'ô tagliáne Karkov), Dnipro (1.049.000), Donec'k (1.016.000 ), Odessa (Odesa; 1.013.000), Zaporižžja (900.000), Leopoli (L'viv; 830.000), Kryvyj Rih (717.000).
Seconne le stime d'u 1887 de le scieografe austro-ungareche, 'a cetate ucraine de Rachiv (de coordinate 48°45′N 18°55′E) ha ddà esse 'u Cendre sciugrafeche de ll'Europe; ce stonne otre luèche conziderate cendre d'u continende, a seconne de lle studiuse e de le metode de mesuraziune ausate.
Gruppe etneche
|
Pe approfondimende, 'ndruche 'a vôsce Ucraine. |
- Ucraine: 79 %
- Russe: 17 %
- Bielorusse: 1 %
- Otre: Rumene, Bulgare, Armene, Grice, Pulacche, Tatare: 3%.
Releggione
Jndr'à Ucraine 'a releggione prevalende jè quèdde crestiáne. 'A maggioranze d'a popolazzione d'u paise jè crestiáne ortodosse. Tuttavije, le ortodosse sonde scucchiáte jndre ttré giurisdiziune: 'a Chiese autonome ucraine-Patriarcate de Mosca, 'a Chiese Autocefale ortodosse d'Ucraine ed 'u Patriarcate de Kiev; quèste dò urteme chiesère non ge sonde recanosciute da lle chiesère ortodosse canoneche. Le cattoleche fàcene cápe ad 'a Chiese greco-cattoleche ucraine (ca combrenne pure eparchie al de fore de ll'Ucraine) ed ad 'a Chiese cattoleche ucraine (latine). Totte le battezzate cattoleche jndr'à Ucraine rappresendane 'u 7,43% d'a popolazzione, seconne statisteche cattoleche.[2] L'Ucraine ète 'u Paise de ll'Europe de l'est jndre cui le condraste 'mbrà ortodosse e cattoleche, nnande 'u squasciamènde d'u comunisme, honne purtate a lle maggiore tensiune. Protestande ète 'u 2.19% d'a popolazzione.
Sciugrafije polìteche
Suddivisiune
|
Pe approfondimende, 'ndruche 'a vôsce Suddivisiune de ll'Ucraine. |
L'Ucraine jè scucchiáte jndre 24 reggione (область - òblast ad 'u plurale області - òblasti) e 'na repubbleche autonome (автономна республіка - avtonòmna respùblika), Crimea. Ce stonne pure dò cetate (місто - mìsto, plurale - міста - mistà), Kiev, Sebastopoli e ca tènene 'nu statute speciale.
|
|
|
|
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
