Disambiguazzione – Ce ste cirche a linèe Bare-Tarde de le Ferrovie d'u Sud Est, 'ndruche Ferrovie Bare-Martine Franghe-Tarde.
'A ferrovie Bare-Tarde jè 'na linèe ferroviarietagliàne de proprietate statale, poste 'nderamente jndr'à 'u territorije d'a reggione Pugghie. Esse colleghe 'u capeluéche de Bare cu quedde de Tarde, ca aunìe 'a sponde Adriateche a quedda Ioniche.
'A linèe ferroviarie jè nasciute cumme derivazione d'a ferrovie Adriateche dovende collegà a cetate de Bare a quedda de Tarde cu 'u sò puèrte. 'A concessione costruzione e l'esercizie ha state rilasciate a 'a Suggetate Tagliàne pe le strade ferrate meridionale cu 'a Legge 21 agùste 1862, n. 763. 'A suggetate ferroviarie, istituite da 'u conde Bastogi e da otre parlamendare tagliàne, avrebbe avute 'a proprietate de l'infrastrutture 'nzigne a 'u 1967.
'U prime tronche, 'mbra 'a stazione de Bare e Sciòje d'u Colle, ha state averte 'u 1º sciùgne 1865, mendre Tarde ha state raggiunde 'u 15 settèmmre 1868[2].
A seguite d'a Legge 15 lùglie 1906, n. 324, ca approvave "le Convenziune p'u riscatte de le strade ferrate Meridionale", 'a linèe ha state riscattate da 'u State tagliàne ed tràse a fà parte d'a rete d'e Ferrovie d'u State.
'A trazione elettreche, inde corrende condinue a 'a tensione de 3 kV, ha state attivate 'u 4 sciùgne 1980[3].
'Ndervende de raddoppie
'U 31 màsce 1994 ha state attivate 'u raddoppie jndr'à variande de tracciate 'mbrà Bitette e Acquavive de le Fonde, combrendente 'a stazione de Sannicandre de Bare e 'a fermate de Grume Appule[4].
'U 14 settèmmre 1997 ha state attivate 'u raddoppie jndr'à variande de tracciate 'mbrà 'a stazione de Sciòje d'u Colle e 'a progressive chilometreche 83+892, comprendente 'a fermate de Castellanete e 'u Poste de Movimende de Grottelupare; sus 'u vecchie tracciate onne state abbandonate le staziune de Castellanete, Coratine e San Basilie, e 'a fermate de Castellanete Cetate[5][6].
'U 20 decèmmre 2004 ha state attivate 'u raddoppie 'mbrà Acquavive de le Fonde e Sciòje d'u Colle[7].
'U 27 màsce 2007 ha state attivate 'u raddoppie 'mbra Palasciane e Bellaviste[8].
'U 22 giùgne 2008 ha state attivate 'u raddoppie jndr'à variande de tracciate 'mbrà 'a progressive chilometreche 83+892 e 'a stazione de Palasciane, combrendente 'a nuève stazione de Palascianidde[9].
'U 31 màsce 2009 ha state attivate 'u raddoppie jndr'à variande de tracciate 'mbrà le staziune de Bare Cendrale e Bare Sand'Andréje, c'u conseguente abbandone d'a fermate de Bare Policlineche[10].
'U 26 lùglie 2020 ha state attivate 'u raddoppie jndr'à variande 'mbrà l'ex stazione de Bare Sand'Andréje e quedda de Bitette, combrendente le nuève fermate de Bare Villagge d'u Fatìatore e de Modugne.[11][12]
A 'u 2021, tutte 'a linèe ferroviarie jè a doppie binarie, eccette pe le prime doje chilometre in partenze da Bare. Quìste tratte jè attualmende in corse de raddoppie e jè ne l'atte conclusive.
'A linèe jè 'na ferrovie a doppie binarie, 'nderamende elettrificate a 3000 volt in corrende condinue. Ve circolane quase tutte le tipologgie de trene, da le reggiunale a le Intercity e Frecciarosse, otre a le trene merce. 'A velocitate de linèe jè 'mbrà le 130 e le 150km/h[13] in piene linèe, cu 'a maggior parte d'u tracciate percorse a le 140 o 150km/h grazie a 'u raddoppie d'a ferrovie. 'A ferrovie jè collegate a 'a ferrovie Joniche jndr'à le presse d'u Bivie-P.C. Metaponde provenende da Tarde pe Reggie Calavrie e Putènze e sembre cu esse jndr'à le presse de Bellaviste innestandose sus'a Joniche jndr'à le presse d'u P.M. Cagioni (Zone Industriale de Tarde). Le prencepale node de 'nderscambie onne jndr'à le staziune de Bare, Sciòje d'u Colle e Tarde (quist'urteme rispettivamende pe Reggio Calavrie, Putènze, Battipaglie, Brinnese e Bare vie FSE)
Sviluppo delle ferrovie italiane dal 1839 al 31 dicembre 1926, Roma, Ufficio Centrale di Statistica delle Ferrovie dello Stato, 1927. 'Ndruche Alessandro Tuzza, Trenidicarta.it, 1997-2007. URL conzultate il 23 scènnare 2012.
Itaglie
