From Wikipedia, the free encyclopedia
'A Repubbleche de Turchie (jndr'ô turche Türkiye Cumhuriyeti) jè 'nu state 'u cui territorie combrenne l'estreme vanne oriendale d'a Tracia, jndr'à ll'Europe, ed 'a penisole de ll'Anatolie, circunnate a sud da 'u Mar Mediterranèe, ad ovest da 'u Mar Egèe, a nord-ovest da 'u Mar de Marmara ed a nord da 'u Mar Gnure, 'a vanne cchiù occidentale d'u continende asiateche. 'A Turchie confine a nord-ovest cu 'a Grecie ed' a Bulgarie, a nord-est cu 'a George, ad est cu l'Armenie, l'Azerbaijan e l'Iran, a sud-est cu l'Iraq ed a sud cu 'a Sirie.
Turchie | |
---|---|
Date amministrative | |
Nome comblete | Repubbleche de Turchie |
Nome ufficiale | Türkiye Cumhuriyeti |
Lènghe ufficiale | Turche |
Capitale | Ankara (4.651.591 ab.) |
Politiche | |
Forme de governe | Repubbleche parlamendare |
Presidende | Recep Tayyip Erdoğan |
'Ndipendenze | 'Mbere Ottomane:1299 Repubbleche de Turchie:1923 |
Trasute jndr'à l'ONU | 24 ottommre 1945 1 |
Superficie | |
Totale | 783.562 km² (Anatolia: 755.688 km², Tracia 24.888 km²) km² (36º) |
% de le acque | 1,3% |
Popolazzione | |
Totale | 78.785.548[1] ab. (2011) (17º) |
Denzetà | 91 ab./km² |
Nome de le javetande | turche |
Sciugrafije | |
Continende | Europe e Asia |
Fuse orarie | UTC +2 |
Economie | |
Valute | Nuève lire turche |
PIL (nominale) | 1,040,275[2] milione de $ (2009) (15º) |
PIL pro capite (nominale) | 13,904[2][1] $ (2009) (50º) |
ISU (2007) | 0,806 (alto) (79º) |
Varie | |
Codece ISO 3166 | TR, TUR, 792 |
TLD | .tr |
Prefisse tel. | +90 |
Sigle autom. | TR |
Late de guide | Destre (↓↑) |
Inne nazionale | İstiklâl Marşı |
Feste nazionale | 29 ottommre |
Je une de le 51 State ca honne date vite a ll’ONU jnd'ô 1945. | |
Evoluzione storeche | |
State precedente | 'Mbere Ottomane |
'A Turchie se spànne sus a 'na grannèzze de 783.562 km², e jndr'à ll'urteme cenzimènde (2011) jè resultate ce tène 'na popolazzione de 78.785.548[1] crestiáne, professande pe' 'na granna vanne 'a releggione musulmane; sonde presende pure piccele minoranze crestiáne (specialmènde ortodosse, me pure cattoleche) ed ebraiche, mendre picche deffuse jè l'ateisme.
'A capitale jè Ankara, une de lle ttrè granne cetate turche 'nzieme a Smirne (İzmir) e İstanbul; quèste urteme jè 'a cchiù granne metropole d'u paise, e pure 'u cchiù granne cendre 'ndustriale e commerciale.
'A lènga ufficiale jè 'u turche, me sonde presende pure 'nu munne de minoranze lènguisteche.
'U ternise ufficiale jè 'a lire turche. 'U presidende d'a Repubbleche Turche jè ôsce a die Abdullah Gül, mendre 'u Prime Ministre 'ngareche jè Recep Tayyip Erdoğan.
Pe approfondimende, 'ndruche 'a vôsce Nome d'a Turchie. |
'U nome d'a Turchie, Türkiye jndr'à lènga turche, pòte ccu esse essere scucchiáte jndre dò combonènde: l'etnonime Türk ed 'u suffisse -iye ca segnefeche "possessore", "terre de" o "cullegate a" (jndr'à derivaziune da 'u suffisse arabe -iyya). 'U prime ause reggestrate d'u termine "Türk" o "Türük" cumme autonime jè condenute jndr'à lle iscriziune Orhon de le Göktürk de ll'Asie Cendrale (VIII sèchele). 'U nome tagliàne avène da 'u latine medievale Turchie (cirche 1369). Tu-kin jè state attestate cumme nome date da le cenise già da 'u 177 AC a le popule ca javitàvane a sud de le Monde Altaj jndr'à ll'Asie Cendrale.
Nasciùte da lle cenere de lle 'Mbere Ottomane jndr'ô 1923, 'a Turchie jè 'na Repubbleche parlamendare. Le soje istituziune sonde comungue assaje condiziunate da lle forze armate, 'u cui ruole polìteche jè stabbelite jndr'à ll’urteme Costituziune d'u 1982, emendate jndr'ô 1995.
Pe approfondimende, 'ndruche 'a vôsce Suddivisiune d'a Turchie. |
'A Turchia jè scucchiáte amministrativamènde jndre 81 provinge (Iller plurale, il singolare) a cape de ognune de quèste provinge se iacchie 'nu governatore (ditte vali) nnumenate da 'u guverne cendrale.
Le provinge sonde a lòre vote scucchiáte jndre destritte (plurale ilçeler, singolare ilçe) pe' 'nu totale de 923. 'U destritte cendrale (capeluèche d'a provinge) jè amministrate da 'nu "vicegovernatore" designate, mendre lle otre destritte sonde amministrate da 'nu "sutteguvernatore" (kaymakam).
Le provinge d'a Turchie sonde aggruppate jndre 7 reggione, ca sonde state origgenariamènde definite n'occasiune d'u Prime Congresse de Sciugrafije ca ha avùte luèche ad Ankara jndr'ô 1941. 'U prengepále elemènde d'u scucchiamènde jndre 7 reggione sonde state le omogeneitate de le condiziune climateche d'u territorie corresponnende (temberature, precipitaziune, ecc). Quèste reggione honne sule obbiettive statisteche e non ge se referiscone a 'nu scucchiamènde amministrative.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.