From Wikipedia, the free encyclopedia
'U greche andiche jè 'na lènghe ca appartene a 'a famigghie de le lènghe indoeuropèe ca avenève parlate jndr'à Grecie 'mbrà 'u periode arcaiche (cchiù o mene 'mbrà 'u IX sechele n.C. e 'u VI sechele n.C) e 'u periode classeche (cchiù o mene 'mbonde a 'u IV sechele n.C.)
Greche andiche † Ἑλληνική | |
---|---|
Parlate in | ![]() ![]() ![]() ![]() ![]() ![]() |
Periode | IX-IV sechele n.C. |
Locutori | |
Classifeche | estinde |
Otre 'nformazione | |
Scretture | Lineare B, Alfabbete greche |
Tassonomie | |
Filogenesi | Lènghe indoeuropèe Greche Attiche Greche andiche |
Codece de classificazione | |
ISO 639-2 | grc
|
ISO 639-3 | grc (EN)
|
Glottolog | anci1242 (EN)
|
Estratte in lènga | |
Il Padre Nostro Πάτερ ἡμῶν ὁ ἐν τοῖς οὐρανοῖς
| |
Traslitterazione Pater hēmṓn ho en tois uranòis
| |
Jndr'à Grecie avenève, in origgene, parlate 'u dialette micenèe. Jndr'à 'u II millennie n.C. stu dialette avenìe sostituite da 'u greche andiche; st'urteme, jndr'à l'età alessandrine, devendò 'u greche ellenisteche, definite "koinè" (κοινή) o "greche bibbliche"; l'evoluziona soje porte pò a 'u greche bizzandine.
'U greche andiche ha state senza dubbie une de le lènghe cchiù 'mbortande jndr'à storie d'a culture de l'umanitate: ha state 'a lènghe de Omero, de le prime filosofe e de le prime scretture de l'occidende.
Termine d'u greche andiche onne state pigghiate da le Romane jndr'ò lènga latine e cu llore onne arrevate 'nzigne a le sciurne nuèstre. 'A nomenglature binomiale, pure ca ste espresse jndr'à 'u latine, pigghie assaije da 'u vocabolarije d'u greche andiche. 'Nu sbuènne de congette tipece d'a condemboraneità, cumme quidde de democrazie, onne nate jndr'à Grecie andiche e onne arrevate 'nzigne a le sciurne nuèstre.
Cumme 'u greche moderne, ca jè 'n'evoluziona profonne, 'u greche andiche ere 'na lènghe indoeuropèe cu le origgene ca tène ca angore osce a die no se capisce bbuène da addò avènene: le dialette diverse parlate jndr'à Grecie tenèvane 'na radice comune ca le lenguiste onne chiamate protogreche e erane diffuse, apprime d'a migrazione doriche, jndr'à l'arèe balcaneche. Rendraccià 'n'andenate de apprime resulte difficile assaije, pe colpe dìa manganze de le teste scritte, ma pare possibbile dicere ca avesse state presende 'na comunanze strette de radice 'mbrà greche andiche e lènga armene (certe parlane accussì de 'nu proggenitore chiaamte "greche-armene").
Se pò penzà ca 'u proto-greche ave perdute 'a probbie aunità lenguistiche a 'u tiembe de l'invasione doriche, ca successivamende a queste, jndr'à 'nu periode 'mbrà 'u 1200 e 'u 1000 n.C., se ave avute 'u sveluppe de 'nu sbuènne de variande d'u greche andiche, arrecurdate cumme dialette grice. Le prime attestaziune d'u greche andiche iessene atturne a 'u VIII sechele n.C. cu 'u sveluppe de 'nu determinate tipe de alfabbete.
'A perdite de l'aunità lenguistiche porte a 'u sveluppe de diverse varietà de greche, ogne une de le quale avène 'u probbie nome da quidde d'a popolazzione greche addò ere parlate: accussì, 'u dialette doriche avenève parlate da le Dore, l'eoliche da le Eole, 'u ioniche da le Ioni. Ogne dialette tenève le caratteristeche sue, ma tutte erane accusì ca s'assumigghiavane l'une cu l'otre da essere intelleggibbele 'mbrà lore.
Angore osce a die 'u greche andiche avène studiate jndr'à l'Europe jndr'à certe scole secondarie, 'nzieme a 'u latine: esembie sò 'u liceo classeche jndr'à l'Itaglie, l'Humanistisches Gymnasium jndr'à Germanie e le grammar schools jndr'à 'u Regne Aunìte. Jndr'à l'Itaglie avène studiate ogn anne da l'8 percende[1][2][3] de le alunne de le scole superiore (le iscritte jndr'à le licee classece), 'a quote cchiù ierte 'mbrà le Paise occidendale. 'Nzieme a 'u latine, 'u greche andiche jè materie de studie a l'università, jndr'à 'u corse de studie de lettere classeche.
![]() |
Pe approfondimende, 'ndruche 'a vôsce Dialette grice. |
'A lènga greche andiche (jndr'à 'u greche moderne Αρχαία ελληνική γλώσσα jndr'à 'u greche andiche Ἑλληνική γλῶσσα ) ète 'na lènghe flessive cu 'nu grade ierte assaije de sindeticità, de origgine indoeuropèe, addò le dialette avenèvane parlate jndr'à l'andica Grecie, jndr'à le Isole de le'Eggèe e jndr'à le colonie greche sus a le coste d'u Mediterranèe oriendale e occidendale. 'U greche andiche ète 'na lènga de 'na 'mbortanze culturale forte assaije, purcé jndr'à jedde avèrene state fatte le prime teste letterarie, filosofece e sciendifece d'a civiltà occidendale.
Jedde ere articolate jndr'à sotte-gruppe lenguistice, chiamate dialette grice, ca erane:
Pa grammateche e le particolaritate lenguisteche de ste dialette, se remanne a le vôsce 'ndicate da le collegaminde. 'A grammateche d'a quale amma parlà mò, de le aspette fondamendale, se base soprattutte sus a 'u dialette attiche, parlate a Atene, e ca sa 'mboste da 'u V sechele n.C. e apprisse cumme lènghe panelleniche, pu fatte ca Atene tenève 'n'eggemonie militare, politeche, economiche e culturale; stu dialette, 'nzieme a 'na combonende ioniche cchiù o mene forte a seconde de le luèche, devende 'a base pe κοινὴ διάλεκτος, 'a koinè de età ellenistiche, 'a lènghe franghe d'u Mediterranèe canusciute pure cumme greche comune, greche alessandrine o greche ellenisteche. Jedde non ge coingide totta totte cu 'u dialette attiche pure.
![]() |
Pe approfondimende, 'ndruche 'a vôsce Fonologgije d'a lènga greche andiche. |
'A fonetiche greche jè diverse da quedde de le lènghe indoeuropèe de osce a die.
Le caratteristeche sue sonde:
'A legge d'u trongheo finale dice ca:
Sta legge jè canusciute da le studiuse pure cumme Legge Σωτῆρα (Sotèra).
Jndr'à l'età medievale e jndr'à 'u prime Rinascimende dominave 'mbra le umaniste 'n'otra pronunge, qudde dette reuchliniane o roicliniane, accussì chiamate purcé l'umaniste Johannes Reuchlin diceve ca ere valide. Sta letture ere legate a 'a pronunge itacistiche accussì dette bizzandine ma avveramende ere assaije cchiù andiche, accumme iesse da le papire de l'età ellenistiche e le prime signale de sta evoluzzione d'a fonetiche andiche d'u greche onne state ggià scunnute assaije da 'a realtà fonetiche ca se iacchie sotte a certe riflessiune lenguistiche de le dialoghe de Platone.
'A letture itacistiche avenìe 'mbortate jndr'à l'Itaglie da le 'ndellettuale bizzandine fusciute da 'a conguiste e da 'u sacchegge de Costantinopoli (1453) da vanne de le Turche. Chidde 'ndellettuale ('mbrà le quale stonne 'u felosofe neoplatoniche 'Mmanuele Crisolora e 'u cardenale Giuanne Bessarione) sckaffarene a 'a letture de le classeche grice l'accende lore e 'a 'nflessione lore. Chidde leggevane /i/ pure le lettere η e υ, le dittonghe ει e οι, e pronungiavane /ɛ/ 'u dittonghe αι; e pò provungiavane /v/ 'a lettere υ jndr'à le dittonghe αυ e ευ, apprime de vocale o consonande sonore, e /f/ apprime de consonande sorde; cumme /v/ avenève lette pure 'a β. Ha state 'n'otre granne umaniste, l'olandese Desiderie Erasme da Rotterdam ca s'ave mise condre a 'a pronunge itacistiche d'u greche andiche. Quiste, studianne le figure de suene jndr'à le poete comice, soprattutte le onomatopee scuprì ca 'a pronunge andiche ere diverse da quedde roicliniane: 'u belate d'a pecore jndr'à Cratine, commediografe ateniese d'u V sechele n.C., ète 'nfatte imitate cu βῆ βῆ, 'u quale denungiave 'u suène vere de le lettere greche ca combonevane sta particolare onomatopèe: none /vi/, ma /bɛ:/. Pe stu fatte, Erasme scuprì e cercò de repristinà 'a vere pronunge classeche, ca da jidde pigghie 'u nome de erasmiane.
'A vera pronunge erasmiane, d'a quale le lenguiste onne migliorate 'a recostruzione cu l'aijute de le storece, definenne le carattere d'a pronungia greche classeche vere, d'u V sechele n.C., jè diverse pe 'nu sbuènne de cose, da 'a pronunge scolasteche convenzionale tagliàne:
![]() |
Pe approfondimende, 'ndruche 'a vôsce Grammateche d'u greche andiche. |
'U greche, cumme le otre lènghe indoeuropèe, jè 'na lènghe flessive. Jè andiche assaje assaje jndr'à 'u stipamende de le forme de l'indoeuropèe.
'A flessione nominale tène:
'A flessione verbale tène:
![]() |
Pe approfondimende, 'ndruche 'a vôsce Alfabbete greche. |
L'alfabbete greche jè formate da 24 lettere:
Nome | Maiuscole | Minuscole | Pronunge |
---|---|---|---|
ἄλφα
àlfa |
Α | α | a |
βῆτα
bèta |
Β | β | b |
γάμμα
gàmma |
Γ | γ | g (sembre velare, cumme jndr'à lènga tagliàne 'u gatto, ghiro); ce se iacchie apprime de γ, κ, χ, e ξ (le velare) se chiame gamme nasale e se pronunge /ŋ/, cumme 'a nostre n de panca |
δέλτα
dèlta |
Δ | δ | d; da 'a tarde koinè /ð/, sonore cumme th 'nglese de the |
ἒ ψιλόν
epsilòn (o, a 'a latine, epsìlon) |
Ε | ε | e (breve) |
ζῆτα
zèta |
Ζ | ζ | z (in origgene sd /zd/ cumme jndr'à sdentato); in epoche postclasseche dz /dz/ cumme jndr'à razzo; da 'a tarde koinè s sonore /z/ cumme jndr'à rosa |
ἦτα
èta |
Η | η | e (aperte e longhe); da 'a tarde koinè /i/ |
θῆτα
thèta |
Θ | θ | th (t seguite da aspirazione, /tʰ/); da 'a tarde koinè /θ/, sorde cumme th 'nglese de path) |
ἰῶτα
iòta |
Ι | ι | i |
κάππα
kàppa |
Κ | κ | k (sembre velare) |
λάμβδα
làmbda |
Λ | λ | l |
μῦ
my |
Μ | μ | m |
νῦ
ny |
Ν | ν | n |
ξεῖ (ξῖ)
xéi (o, cchiù comunemende, xi) |
Ξ | ξ | x (aunìione de k/kʰ/g+s) |
ὂ μικρόν
omicròn (o, a 'a latine, omìcron) |
Ο | ο | o (breve) |
πεῖ (πῖ)
péi (o, cchiù comunemende, pi) |
Π | π | p |
ῥῶ
ro |
Ρ | ρ | r |
σῖγμα
sìgma |
Σ | σ/ς (ς se ause sulamende ce jè spicce 'a parole) | s (sembre sorde cumme jndr'à sasso) |
ταῦ
tàu |
Τ | τ | t |
ὓ ψιλόν
hypsilòn (o, a 'a latine, hypsìlon) |
Υ | υ | ü (cumme 'a u frangese, /y/); ce jè 'u seconde elemende de dittonghe jè cumme 'a u tagliàne; da 'a tarde koinè /i/ |
φεῖ (φῖ)
phéi (o, cchiù comunemende, fi) |
Φ | φ | ph (p seguite da aspirazione /pʰ/); da 'a tarde koinè /f/ |
χεῖ (χῖ)
khéi (o, cchiù comunemende, khi) |
Χ | χ | kh (k seguite da aspirazione, /kʰ/); da 'a tarde koinè cumme ch tedesche /x/ |
ψεῖ (ψῖ)
pséi (o, cchiù comunemende, psi) |
Ψ | ψ | ps |
ὦ μέγα
omèga (o, alla latina, òmega) |
Ω | ω | o (aperte e longhe) |
'A screttura greche andiche non g'è quedde ca s'ause osce a die pe repurtà le teste grece. 'A differenze 'mbrà le lettere maiuscole e minuscole, pe esembie, non ge se pò fà resalìe a prime d'u Medioeve, invece 'u sisteme de accendazzione comblete resale a 'u XI sechele. Accussì 'a lettera nostre "S" ere 'a "Σ" e, da l'età alessandrine, "⊂" (l'accussì ditte sigma lunate): 'u sigma finale, "ς", resale 'nfatte a 'u Medioeve. Pure 'a pundeggiature jè 'na 'ndroduzione moderne. Accussì Barry P. Powell[4] arrecorde: «Jndr'à le cchiù andiche attestaziune de scretture greche, da le quale putime recostruì sus 'a scorte de le picche iscriziune cambate 'nzigne a nuje, non ge stè nisciuna distinzione grafeche 'mbrà omicron (= o breve) e omega (= o luènghe), o 'mbrà epsilon (e breve) e eta (e longhe) e le consonande doppie avènene scritte cumme chidde semblice. Le parole non g'avènene separate le une cu l'otre, sò assende signe diacritice cumme l'accende [...]». Jndr'à le testimonianze cchiù andiche, 'a scretture ere de tipe "bustrofediche" (segue 'u movimende d'u vuje) cieè apprime da destre a sinistre pe resultà da sinistre a destre a 'u righe cchiù sotte. 'A letture rappresendave allore 'nu flusse condinue de suène e avenève allore decodificate ausanne le recchie e non cu l'uecchie cumme pe le moderne.[5].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.