Arabie Saudite
From Wikipedia, the free encyclopedia
L'Arabie Saudite jè 'nu state de ll'Asia.
| Arabie Saudite (KSA) | |
|---|---|
 (dettaglie)
 | |
 | |
| Date amministrative | |
| Nome comblete | Regne Arabe Saudite |
| Nome ufficiale | المملكة العربيّة السّعوديّة |
| Lènghe ufficiale | Arabe |
| Capitale | Riyād (3.500.000 ab. / ) |
| Politiche | |
| Forme de governe | Monarchie assolute |
| Re | ʿAbd Allāh b. ʿAbd al-ʿAzīz Āl Saʿūd |
| 'Ndipendenze | Aunificaziune jndr'ô 1932 'mbrà regne (conquistate) d'u Hijaz e Sultanate d'u Najd |
| Trasute jndr'à l'ONU | 24 ottommre 1945 1 |
| Superficie | |
| Totale | 2.248.000 km² (13º) |
| % de le acque | 0% |
| Popolazzione | |
| Totale | 24.293.844 ab. (2003) (45º) |
| Denzetà | 12 ab./km² |
| Nome de le javetande | Template:AggNaz/Arabie Saudite (KSA) |
| Sciugrafije | |
| Continende | Asia |
| Fuse orarie | UTC +3 |
| Economie | |
| Valute | Riyāl |
| PIL (nominale) | 593,385 milione de $ (2008) (22º) |
| PIL pro capite (nominale) | 23,813 $ (2008) (39º) |
| ISU (2007) | 0,843 (ìrte) (59º) |
| Consume energetiche | 0,63 kWh/jav. anne |
| Varie | |
| Codece ISO 3166 | SA, SAU, 682 |
| TLD | .sa |
| Prefisse tel. | +966 |
| Sigle autom. | KSA |
| Late de guide | Destre (↓↑) |
| Inne nazionale | ʿĀsha al-Malik (Vive 'u Re) |
| Feste nazionale | 23 settèmmre |
 | |
| 1Jè une de le 51 State ca honne date vite a ll'ONU jndr'ô 1945. | |
Confine cu l'Iraq, 'a Giordanie, 'u Kuwait, l'Oman, 'u Qatar, le Emirate Arabe Aunìte ed ô Yemen.
Jè vagnate da 'u Gurfe Persiche a nord-est e da 'u Mar Russe ad ovest. Tène 'na superficie de 2.218.000 km2. 'A capitale jè Riyad.
Quèste naziune tène 'nu nome comboste: occupanne 'na granna vanne da penisole arabiche pigghie 'u nome de Arabie ("terre de lle arabe", ca a soje vôte derive da 'u termine semiteche arab, ce vuè dì nomade), mendre 'u termine Saudite derive d'a Dinastie Saud, ca ha fatte nascere 'a naziune e l'ha purtate ad 'u masseme sblennore commerciale ed economeche.
 |
Pe approfondimende, 'ndruche 'a vôsce Sciugrafije de ll'Arabie Saudite. |
'U regne saudite occupe cirche l'80% d'a penisole arabe. Jndr'ô 2000 Arabie Saudite e Yemen firmarene 'nu accorde ponènne termine a lle condroversie sus 'a linee de confine.[1] Ma pe' 'na bbuèna vanne le confine meridionale d'u paise, respettivamènde cu Emirate Arabe Aunìte e Oman non ge sonde precisamènde definite, e accussì 'a dimenziune satte-satte d'u paise rumane scanosciute. 'U guverne saudite 'a stime jndre 2.217.949 km². Otre stime cangiane 'mbrà 1.960.582 km²[2] e 2.240.000 km². L'Arabie Saudite jè convenzionalmènde innecate cumme 'u 14° state cchiù granne d'u munne. 'A sciugrafije de ll'Arabie Saudite jè cangiande. Da 'u deserte umide (Tihamah) acchiate ad 'u levèlle d'u Mar Russe, se scè sembre de cchiù verse l'ìrte longhe 'a catene monduose d'u Jabal al-Hejaz ca ad ovest tagghie jndr'à longhezze 'a penisole. Oltre quèste catene se iacchie l'ìrtechiane de Nejd ca se spànne jndr'à vanne cendrale d'u paise. 'A reggione sud-occidentale de ll'Asir tène mundagne ca raggiungone le 3.000 metre sus a 'u levèlle d'u mare e tène 'u clime cchiù verde e cchiù frische, ed attire assaje saudite jndre luèche cumme Abha jndr'à lle mise estive. L'est jè prengepalmènde 'na chianure de chianghe o renôse ca se spànne fine a lle rive d'u Gurfe Persiche. Longhe le confine meridionale se iacchie 'u deserte d'u Rubʿ al-Khālī.
Pe' 'a granna vanne non g'àvitate, 'a gran parte d'a masse continendale d'u paise jè costituite da deserte cu 'nu clime semi-aride. Mène d'u dò pe' cinde d'a superficie totale d'u paise jè coltivabbele. Le cendre jàvitate prengepále se iacchiane longhe le coste o 'nziccate a lle oase 'nderne cumme Hofuf e Buraydah. L'Arabie Saudite non ge tène jume o laghe permanènde pe' totte l'anne, tuttavije 'a soje linee de coste se spànne pe' 2.640 km.
Clime
'U clime jè asciutte, ma deserteche, cu granne sbalze de temberature. 'U reggime de lle precipitaziune fàce devendà 'u paise aride o semi-aride, cu 'nu terrene prengepalmènde steppose e quacche vôte a prevalenze renôse. Jndr'à maggior parte d'u regne 'a vegetazione jè spondanee e arbustive. 'A vanne costiere d'u mar Russe, specialmènde le barriere coralline, tène 'na faune marine assaje ricche. D'estate 'a temberature pòte arrevà a lle 50 grade, de 'nvìerne jè mite cu temborale 'nziccate ad 'u canale de ll'Egitte.
'A furme de guverne de ll'Arabie Saudite jè 'a monarchie assolute, 'u nome ufficiale d'ô state jè Regne arabe saudite (المملكة العربيّة السّعوديّة).
Le legge funnamendale d'u Regne (facende funzione de 'na Costituziune, assende piccè 'a "costituziune" saudite jè 'u Corane) fùrene ccrejète jndr'ô 1992 cu 'a dichiaraziune seconne 'a quale l'Arabie Saudite ète 'na monarchie guvernate da le discennende d'u sultane d'u Najd ʿAbd al-ʿAzīz Āl Saʿūd, prime re de ll'Arabie Saudite (Dinastie Saudite).
Quèste legge se basane sus a quèdde islameche, Sharīʿa, comboste da 'u Corane e d'a Sunna d'u profete Muḥammad. Non g'ète date 'nvece 'nu granne spazie a ll'Ijmāʿ e a l Qiyāṣ ca, pure ce non ge facene parte jndre 'nu senze stritte d'a Sharīʿa, sonde da assaje madhhab (me non da quidde hanbalita) recanosciute cumme fonde d'u deritte islameche.
'A Sharīʿa jè applecate da tribunale coraneche. Non g'esistone eleziune parlamendare né g'esistone partite polìteche jndr'ô paise. Jndr'ô 2005 se sonde tuttavije organezzate eleziune locale.
Suddivisiune amministrative
L'Arabie Saudite jè scucchiáte jndre 13 provinge (manātiq, ad 'u singolare mintaqa).
- Al-Bāha
- al-Hudūd al-Shamāliyya
- Al-Jawf
- Al-Madina
- al-Qaṣīm
- al-Riyāḍ
- al-Sharqiyya (Provinge Oriendale)
- 'Asir
- Ḥāʾil
- Jāzān
- Makka (Provinge Occidentale)
- Najrān
- Tabūk
Istituziune
Forze Armate
.svg)
L'Arabie Saudite spenne migliarde de dollare pe' equipaggià le proprije forze armate, spesse accattanne armamènde da lle State Aunìte. Cumme fàce vedè 'u grafiche l'Arabie Saudite jè ad 'u none puèste ad 'u munne pe' spese miletare. Le Forze armate saudite sonde comboste da:
- Rege Aeronauteche Militare Saudite
- Rege Forze Terrestre Saudite
- Rege marine saudite
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
