continende From Wikipedia, the free encyclopedia
L'Antartide jè 'u continende cchiù meridionale d'a Terre e combrende le terre e le mare ca circunnane 'u Pole Sud. Se iacchie jndre l'emisfere australe a sud d'u Circhele polare antartiche jè circunnate da le mare antartiche. Cu 'na superficie comblessive de cirche 14 miglione de km² jè 'u quinde continende jndre n'ordene de grannenèzze, dope Asie, Africa, Americhe settentrionale e Americhe meridionale. 'U 98% d'u territorie soje jè combletamende cuperte da ghiacce cu 'nu spessore medie de 1600 metre. Jè, jndr'à medie, 'u puèste cchiù fredde d'a Terre e cu le cchiù granne reserve de acque dolce d'u pianete. 'U territorie presende 'a cchiù ìrte medie altimetriche sus ô levelle d'u mare de totte le continende.[2] L'Antartide jè conziderate 'nu deserte, cu precipitaziune annue de sule 200 mm luènghe 'a coste, e assaje mene jndre reggione 'nderne.[3] 'U continende non g'è abitate permanendemende da nisciuna populazzione umane, me nonostande stù fatte, se condane, durande l'anne, 'mbrà le 1000 e le 5000 crestiáne ca stonne jndre varie staziune de recerche spannute jndre totte l'Antartide. Aqquà potène vive sule piande ed animale ca se sonde adattate a 'u clime rigide, 'mbrà cui pinguine, foche, muschie, licheni, e molti tipi di alghe.
Grannenèzze | 14.000.000 km² (280.000 km² senze ghiaccie, 13.720.000 km² cu 'u ghiaccie)[1] |
Crestiáne | cangiande da 1000 (mise invernale) a 4000 (mise estive)[1] |
Guverne | Trattate Antartiche |
Revendicaziune territoriale parziale | ![]() ![]() ![]() ![]() ![]() ![]() ![]() |
TLD | .aq |
Prefisse | +672 |
Pè convenziune 'u confine sciugrafeche jè delimitate d'a accussì ditte convergenze antartiche, 'a latitudine (cirche 50° S) addò se inabissane le acque de superficie subtropicale. L'aree combrese 'mbrà le 50° e 'u circhele polare antartiche jè chiamate subantartiche.
L'Antartide, 'nzieme a le soje ghiacce, svolge 'nu ruole assaje 'mbortande jndre l'equilibrie ambiendale d'u pianete, viste ca ogne cangiaminde d'a calotte se repercuote sus 'a circolazziune oceaniche e atmosferiche e sus ô levelle d'u mare.
'U nome Antarteche derive da 'u greche antarktikós (ανταρκτικός),[4] ca segnefeche "opposte a l'Arteche". Pure ce fine da l'andichità se penzasse a l'esistenze de 'na Terre Australis 'u prime avvistamende confermate d'u continende vène fatte resalì a 'u 1820 ad opere d'a spediziune russe de Mikhail Lazarev e Fabian Gottlieb von Bellingshausen, tuttavie 'a scuperte avène quase ignorate pè totte 'u XIX sèchele pè vie de l'inospitalità d'u continende. 'u prime ause formale d'u nome "Antartide" pè fà referemende a 'nu continende, jè risalende a le anne 1890, jè attribuite a 'u cartografe scozzese John George Bartholomew.
Da 'u 1959 ô status politeche de l'Antartide jè regulate da 'u Trattate Antartiche, firmate ad ôsce da 46 paise. 'U trattate non ge permette le attività militare e minerarie, sostene 'a recerche sciendifiche, e prutegge le ecozone d'u continende. Sonde 'n corse esperimende condotte da cchiù de 4000 scienziate de varie naziunalità e cu deverse 'nderesse de recerche.[5]
![]() |
Pe approfondimende, 'ndruche 'a vôsce Storie de l'Antartide. |
L'ipotese de l'esistenze de 'na Terre Australis, cioè de 'nu granne continende jndre l'estreme sud d'u munne cu ô scope de "dà n'equilibbrie" le terre d'u nord (Europe, Asie e Nord Africa), stave fine da le timbe de Tolomeo, ca suggerì l'idee de simmetrie de totte le terre canosciute jndr'ô munne. Rappresendaziune de 'na granna superficie meridionale erene assaje comune jndre mappe. Angore jndr'ô tarde XVII sèchele, dope ca le esplorature avèvene scuperte ca 'u Sud Americhe e l'Australia non g'erane parte d'u mitiche "Antartide", le sciugrafe penzarone ca 'u continende fòsse assaje cchiù granne respette ad 'a soje dimensione reale.
Le mappe europee facevene vedè condinuamende quiste ipotetiche territorie fine a quanne le sckife d'u capitane James Cook, HMS Resolution e HMS Adventure, non ge attraversarene 'u Circhele polare antartiche 'u 17 scennare 1773, jndr'ô decèmbre 1773 e n'otra vote jndr'ô scennare d'u 1774.[6] Cook jndr'à realtà ere arrivate a cirche 75 miglie (121 km) d'a coste antartihe, prime de essere costrette a cangià 'a rotte de fronde a le ghiacce jndr'ô scennare 1773.[7] 'U prime avvistamende confermate de l'Antartide jè discusse 'mbrà 3 deverse equipagge. Seconne deverse organizzaziune (National Science Foundation,[8] NASA,[9] Università d'a Californie (San Diego),[10] e da otre fonde[11][12]), le sckife comannate da ttrè omme vedèrene 'u nuève continende jndr'ô 1820: Fabian Gottlieb von Bellingshausen (capitane d'a Marine 'Mberiale Russe), Edward Bransfield ('nu capitane d'a Royal Navy), e Nathaniel Palmer ('nu cacciature de foche statunitense). Von Bellingshausen 'u 27 scennare 1820, ttrè sciurne prime de l'avvistamende de Bransfield, e dece mise prime de Palmer (novèmmre 1820). Quidde sciurne le dò sckife d'a spediziune guidate da Von Bellingshausen e Mikhail Petrovich Lazarev arrevarene a 'nu punde a 32 km (20 miglie) da 'u continende antartiche e vedèrene le cambe de ghiacce. 'U prime sbarche documendate sus 'a terreferme ha avvenute cu l'americane John Davis jndr'ô Antartide occidentale 'u 7 febbrare 1821, pure ce quiste versiune jè condestate da alcune storeche.
Jndr'ô decèmbre 1839 'na spediziune partì da Sydney, jndr'à Australia, e riferì 'a scuperte "de 'nu continende antartiche a ovest de le isole Balleny". Quidde stuezze de Antartide ha state 'n seguite chamate "Terre de Wilkes".
Jndr'ô 1841 l'esplorature James Clark Ross passe attraverse quidde ca jè ôsce canosciute cumme 'u Mare de Ross e scuprì l'Isole de Ross. Aví navigate luènghe 'nu granne mure de ghiacce ca venne successivamende chiamate Ross Ice Shelf. Le monde Erebus e Terror sonde state dedicate a le dò sckife d'a soje spediziune: HMS Erebus e Terror.[13] Mercator Cooper sbarche jndr'ô Antartide oriendale 'u 26 scennare 1853.[14]
Durande 'a spediziune Nimrod guidate da Ernest Shackleton jndr'ô 1907, le crestiáne guidate da T.W. Edgeworth David fùrene le prime a 'nghianare sus ô monde Erebus e ad arrevà sus ô Pole Sud magneteche. Shackleton e otre ttrè membre d'a soje spediziune onne ottenute assaje primate 'mbrà 'u decèmbre 1908 e 'u febbrare 1909: fùrene le prime crestiáne a scè sus 'a Ross Ice Shelf, le prime a scè attraverse 'a catene de le Monde Transantartiche (attraverse 'u ghiacciaie Beardmore). 'U 14 decèmbre 1911, jè fatte 'na spediziune guidate da 'u esplorature polare norveggese Roald Amundsen ca devende 'u prime ad arrivà ad 'u Pole Sud sciugrafeche, ausanne 'nu percorse ca parte d'a Baie de le Balene e da 'u Ghiacciaie Axel Heiberg.[15] Cirche 'nu mise cchiù nnande, pure 'a sfortunate spediziune de Robert Falcon Scott arrive a 'u pole.
Richard Evelyn Byrd hagghie fatte 'nu sbuenne de viaggie sus a l'Antartiche cu l'aeree jndre anne 1930 e anne 1940. Hagghie condotte granne recerche sciuloggeche e biologgeche.[16] Fù fine a 'u 31 ottommre 1956 nisciune non g'aví remisse pide sus ô Pole Sud; me jndre quidde sciurne 'a US Navy group guidate da George J. Dufek ce arrive cu successe.[17]
L'Antartide jè une de le uètte ecozone o reggione biosciugrafeche d'a Terre.
Cu 'na grannenèzze de 13 miglione de km², a le quale s'onne da mette pure le 1,5 miglione de km² de barriere[18] jè 'u quinde continende d'u munne pè estenzione.
'U continende jè attraversate d'a Catene Transantartiche luènghe 3 500 km ca se spanne da Cape Adare (Terre Vittorie affacciato sus ô Mare de Ross) ad 'a Terre de Coats (sus ô Mare de Weddell).
'U meridiane de Greenwich (0° de longitudine) scucchie l'Antartide jndre dò stuezze:
L'elevaziune maggiore s'ha 'n corrispondenze d'u Massiccie Vinson (4 897 m s.l.m.[19][20]) facende parte de le Monde Ellsworth jndr'à Penisole Antartiche mendre 'a depressione cchiù granne jè 'a Fosse subglaciale de Bentley a 2 538 m[21] sotte 'u levelle d'u mare, situate jndr'ô stuezze oriendale d'u continende.
'A calotte de ghiacce, ca recopre l'Antartide jè scucchiáte jndr'à calotte oriendale (cu 'nu spessore medie de 2 500 m[22]) e calotte occidendale (cu 'nu spessore medie de 1 700 m[22]) d'a Catene Transantartiche, le massime spessore d'a calotte se trovano iacchiene 'a Terre de Adelia a sule 400 km d'a cose: aqquà stè 'na profunne depressione colmate da 4 776 m de ghiacce[21]. Ce se conzidere 'a masse de le ghiacce ca recopre 'a superfice, l'Antartide jè 'u continende mediamende cchiù ìrte sus ô levelle d'u mare, escludenne 'nvece 'u profile date da le calotte glaciale e conzideranne esclusivamende 'u levelle medie d'ô strate rocciuse, quiste continende jè mediamende 'u cchiù vasce.
Cu 'nu volume medie totale de 26,6 miglione de km3 [22], jedde costituisce 'u 92% de le reserve de acque dolce d'u munne [22]. Jè state calcolate ca 'a comblete fusione de le ghiacce de l'antartide pòte purtà 'nu innalzamende d'u levelle de le oceane de cirche 70 metre [22]. Le iceberg ca se luane d'a calotte potène arrevà e superà le dimensione d'a Corsiche.
'U sviluppe costiere d'u continende jè pare a 17.968 km[1] caratterizzate d'a presenze de assaje formazione de ghiacce:
Tipe | Percenduale |
---|---|
Piattaforme de ghiacce (ghiacce galleggiande) | 44% |
Parete de ghiacce (attaccate a 'u terrene) | 38% |
Fiume de ghiacce/fronde de ghiacciaie | 13% |
Roccie | 4% |
Totale | 100% |
Jndr'ô Antartide se iacchiene le dò cchiù granne piattaforme de ghiacce d'u munne, quedde de Ross e quedde de Filchner-Ronne
'U continende jè circunnate da n'ambie zone ghiacciate, 'a banchise (pack), jndr'à quale se sviluppe une de le cchiù 'nderessande ecosisteme d'u pianete e ca rappresende 'a fonde de cibe pè cetacei, pinguine, pìsce, foche e assaje acidde.
Jndr'ô Antartide se iacchiene cchiù de 70 laghe situate a migliaie de metre sotte 'a coltre gelate. 'U cchiù granne de quiste laghe sub-glaciale jè 'u laghe Vostok superte jndr'ô 1966 jndre le presse d'a staziune russe Vostok, se penze ca 'u laghe sie state sigillate da le 500.000 a 'nu miglione de anne fà, ce sonde prove derivande da carotamente effettuate a cirche 400 m sus 'a superficie de l'acque d'u laghe ca le soje acque potène condenè forme de vite (microbe). Quiste jè state purtate a supporte de le teorie sus 'a possibilità de esistenze de forme de vite su Europe, une de le lune de Giove 'n quande 'a superficie gelate d'u laghe tène assaje tratte 'n comune cu 'a superficie d'u cuerpe celeste.
Partenne da 'u punde estreme d'a Penisole Antartiche e seguenne 'a coste verse sud se potène vedè:
'Ndorne a 'u continende, soprattutte 'ndorne ad 'a Penisole Antartiche, se iacchie 'nu granne numere de isole. Pè alcune de quèste (totte quèdde combrese 'mbrà le 60° de latitudine sud) 'u Trattate Antartiche stabilisce 'a 'nderruzione de le revendicaziune da parte de le paise.
Solitamende se potène distingue le:
![]() |
Pe approfondimende, 'ndruche 'a vôsce Clime antartiche. |
'Mbrà le varie classificazione proposte pè 'u clime antartiche 'a cchiù valide reste quèdde penzate da Paul C. Dalrymple jndr'ô 1966: jedde, pure lassanne perde 'fascie costiere ed 'a Penisole Antartiche, scucchie le 'nderne d'u continende jndre quàtte zone, sus 'a base de precise parametre, ca mèttene 'n relaziune le temberature medie ed estreme, 'a velocità medie e 'a frequenze d'u víende, 'a mesure de le precipitaziune annuale e l'intensità d'u windchill. Dalrymple, accussì, classifeche:
S'ha da dì, pè quanne reguarde l'aspette termiche, stè 'na precise relaziune 'mbrà 'a quote, 'a latitudine e 'a distanze da 'u mare (continendalità). 'U Plateau Antartiche jè 'nu tavelate de ghiacce cu spessore ca, jndr'à parte oriendale, potène superà le 4.000 metre de quote, e jè aqquà ca se potène vedè le temberature cchiù vasce d'u munne. Le osservaziune meteorologgeche condinuative sus ô Plateau Antartiche sonde iniziate cu l'Anne geofiseche 'ndernaziunale, e sonde ôsce condotte attraverse dò prengepale fonde de acquisiziune de le date: le base permanende, gestite da personale tecniche sciendifeche residende, e le Aws (Automatic Weather Stations), pruggettate d'a Wisconsin University e 'mpiandate a partì da le anne ottande.
Attualmende sonde ttrè le base permanende d'u Plateau Antartiche: Amundsen-Scott (americane), Vostok II (russe) e Concordie (italo frangise). 'A prime, ca se iacchie a 'u Pole Sud sciugrafeche, seconne 'a classificazione de Dalrymple riendre jndr'à l'Aree 'nteriore fredde: 'a temberature medie annue (1957-2006) jè de -49,5 °C. A Vostok, jndr'ô Nuclee cendrale fredde, 'a medie annue (1958-2006, cu 'nderruzione) se iacchie 'nvece a -55,3 °C.
Caratteristeche d'u clime antartiche jè 'u cosiddette Kernlose winter, 'nu raffreddamende assaje granne ca se realizze cu 'a scombarse d'u sule sotte l'orizzonde e remane cchiù o mene costande pè totte l'arche d'u semestre: 'na dinameche ca non ge tène riscondre jndr'ô emisfere boreale, tranne forse jndre alcune de le aree cchiù 'nderne d'a Groenlandie. Pè quiste motive 'u classeche scucchiámende staggionale, pure ce mandenute pè omogeneità de combronde, jndr'à realtà tène picche senze: jndr'à l'Aree 'nderiore fredde e jndr'ô Nuclee cendrale fredde, ca combrendone cirche 'a metà d'a superficie continendale, se pòte parlà de 'nu bimestre estive (decèmbre e scennare), precedute e seguite da dò staggione de transizione (seconne metà de ottommre e novemmre, febbrare e prime metà de màrze), le restande sette mise (d'a metà de màrze a metà ottommre) sonde chidde invernale.
Durande l'estate 'a temberature raramende vé a cchiù de -20 °C. 'U mise cchiù calde (decèmbre) ad Amundsen-Scott face reggestrare 'na medie de -28,0 °C, a Vostok de -31,9 °C. 'U crolle termiche, ca inizie cu 'a discese d'u sule sus ô orezzonde, comborte ca già ad abbrile 'a medie de Amundsen-Scott sie de -57,3 °C, quèdde de Vostok de -64,8 °C, a luglie 'a medie de Amundsen-Scott jè de -60,1 °C, ad agoste quèdde de Vostok de -68,0 °C. Quiste face 'n mode ca, jndre qualsiase periode de l'inverne, se potène tuccà le valure estreme: 'u record ad Amundsen-Scott se iacchie a -82,8 °C (23 sciugne 1982), a Vostok a -89,2 °C (21 luglio 1983); quèste urteme jè 'a temberature cchiù vasce reggestrate sus 'a Terre.
Otre elemende caratterizzande de l'Antartide jè 'u víende: 'n particulare, le corrende catabatiche ca, jndre n'estreme sindese, onne origgene pè vie d'a denzetà de l'arie fredde ca stè sus ô Plateau Antartiche, e ca tende a "spruscià" verse le coste. Studie iniziate fine da 'u prime Novecinde onne demostrate ca stonne vie preferenziale jndre cui se iacchiene le víende catabatiche, ca potène superà le 300 km/h ('u 16 másce 2004 'a staziune McMurdo jè state squasciate d'a tembeste cchiù 'ndense de le urteme trende anne, cu raffeche fine a 188,4 mph). Proprie reguarde a le víende ca scutuláne le mare antartiche 'u Sailing Direction for Antarctica d'a Marine de le State Aunìte specifeche ca «onne spesse 'a 'ndenzetà de 'nu uragane, cu raffeche ca arrivane a vote ad 'a velocità de 150-200 miglie a l'ore. Non ge se canoscene da otre parte víende de tale viulenze, sule forse jndre le ciclune tropicale».
Pè quanne reguarde le precipitaziune, 'a scarse umidità sus ô continende le rende quase assende. Assaje notevole jè 'a differenze 'mbrà le isole antartiche e 'u plateau. Reguarde le prime se pòte purtà cumme esembie 'u date d'a Staziune Bellingshausen (base russe sus a l'Isole de re George) jndre cui, jndr'ô periode 1969-2005, se vè da 'nu minime annuale de 471,8 mm (2003) a 'nu massime de 991,6 mm (1998), a Vostok, 'nvece, se passe da 'nu massime de 66,4 mm (1958), a 'nu minime de 0,2 mm (1982 e 1995).
'A 'mbortanze d'u monitoragge climateche jè giustificate pure da le conseguenze ca avrebbe 'nu scucchiámende de le ghiacce antartiche sus ô levelle d'u mare planetarie; inoltre s'ha da conziderà ca 'a relaziune 'mbrà ghiacce e mare jè 'nterlacciate e ca le dò elemende se 'nfluenzane reciprocamende.[23] 'N generale s'ha da dì ca jndr'à reggione antartiche stonne granne differenze 'mbrà le varie zone: pè esembie le parte cchiù a nord (cumme 'a penisole antartiche) sonde le zone addò 'n generale se realizze 'u passagge d'u ghiacce a l’oceane mendre le parte cchiù 'nderne sonde quèdde addò s'ha 'nu accumule e 'nspessimende de le ghiacce.
Le condiziune climateche ed 'a povertà d'u suole sonde fatture limitande pè 'u sviluppe d'a vegetazzione ca resulte costituite quase esclusivamende da musche, epatiche e lichene.
Le uneche piande angiosperme ca potènr cresce jndr'ô Antartide sonde 'a Deschampsia antarctica e 'u Colobanthus quietensis; quèste piande formane ciuffe erbose 'mbrà le rocce presse 'u litorale sus 'a coste occidendale d'a penisole Antartiche.[24]
'A fascie de mare ca succhie le acque antartiche da quèdde de le otre oceane jè chiamate convergenze antartiche; jè larghe da le 40 a le 80 km, e se iacchie a cirche 1600 km d'a coste e jndre jedde 'a temberature scenne assaje. 'A convergenze antartiche costituisce 'na barriere biologgeche 'nsormondabbele pè le organisme marine de piccele dimensione e a le 'nderne d'a quale se iacchie 'nu ecosisteme d'u totte particulare.
Le mare sonde assaje ricche de zooplancton e de krill antartiche (l'Euphausia superba ne jè 'u combonende prengepale). 'U krill, a soje vote alimendate da picche specie de alghe ca formane 'u fitoplancton, rappresende l'alimende base d'a catene alimendare pè le animale terrestre e marine, nutre 'nfatte le pìsce, balene, foche e lione marine, le pinguine e le numerose acidde marine.
Sus 'a banchise vivene e se reproducone dò specie de pinguine: 'u pinguine 'mberatore e 'u pinguine de Adelia. N'otra trendine de specie de acidde (appartenende a le famigghie de le procellariforme e caradriforme) se reproducone jndr'ô continende antartiche, 'mbrà quèste ce sonde l'albatre reale, 'u petrelle de le neve, 'u fulmare antartiche, le urteme dò nidificane jndre parte prive de neve, chiamate nunatak, de le mondagne de le 'nderne, spannendose jndr'ô endroterre fine a 100 km da le coste.
'Mbrà le foche sonde diffuse le foche de Weddell, le foche carnivore e 'a temibbele foche leoparde. Jndre mise estive cchiù de 100 miglione de acidde migratorie nidificane e se reproducone sus 'a banchise e jndre isole cchiù vicne a 'u continende.
Paragonate cu 'a ricchezze de faune jndr'ô oceane e sus 'a banchise le 'nderne d'u continende appare, pure jndre picche aree deglaciate dette oase, deserte e desulate. Le uneche forme de vite ca se iacchene sonde battere, microorganisme e alcune 'nvertebrate.
![]() |
Pe approfondimende, vide 'a vôsce revendicaziune antartiche. |
'U Trattate Antartiche mandéne bloccate quèste revendicaziune e 'a maggioranze de le otre naziune non ge le recanoscene. Non ge sonde state fatte revendicaziune jndr'ô stuezze 'mbrà 90 grade est e 150 grade ovest.
Stonne pure bandiere de le territorie de l'Antartide e proposte pè bandiere uneche: vede Bandiere antartiche.
Stù gruppe de paise, ca partecipane jndre qualità de membre, a 'u Trattate Antartiche, onne mostrate revendicaziune territoriale jndre le combronde d'u continende, me pè le stesse disposizione d'u Trattate le lòre richieste restene 'n sospenzione, fine a quanne 'u trattate reste valide.
Pure State Aunìte e Russie onne avanzate revendicaziune territoriale, me l'onne a tenè 'n sospenzione fine a quanne 'u trattate reste valide o otre paise non ge penzeranne a dà seguite a le lòre revendicaziune.[25] [26]
L'Antartide non ge tène 'na populazzione 'n senze stritte, jndre oltre 80 base sciendifeche stonne però cirche 4.000 crestiáne jndre mise estive ca sendene a cirche 1.000 durande le mise invernale.
Jndr'ô luglie d'u 2005 (jndr'ô mmienze de l'inverne) stavane jndr'à base cchiù granne, quèdde de McMurdo, 79 femme e 162 omme.
'U prime essere umane nate jndre quiste continende jè l'argendine Emilio Palma, nate jndr'ô 1978 jndr'à colonie argendine de Esperanza, jndr'ô 1986/87 sonde nate dò uagnune jndr'à Villa Las Estrellas, jndr'à staziune cilene Marsh, ôsce chiamate Frei.
![]() |
Pe approfondimende, 'ndruche 'a vôsce Base sciendifeche jndr'ô Antartide. |
L'Antartide non ge tène 'na populazzione stabbele me assaje guverne tènene staziune de recerche permanende sus ô continende; le prengepale sonde:
'U prefisse 'ndernaziunale de l'Antartide jè +672 e 'u TLD Internet jè .aq. L'Antartide tène 'nu servizie de telefonie cellulare, cu 'na uneche andenne ca ause 'a tecnologgije AMPS jndr'à l'argendine Base Marambio e 'na GSM Entel Chile sus a l'Isole de re Giorgie. Le comunecazziúne sonde jndre ogne otre case limitate a le connessione vie satellite.
L'Antartide jè fornite de 'nu granne numere de resorse minerarie. Le resorse petrolifere cundate ammondane a cirche 40 migliarde de barile. Jndr'ô Antartide ce sonde le cchiù granne giacimende de carbone e ferre cu granne quantità de nichel, manganese e uranie.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.