Bukureshti
From Wikipedia, the free encyclopedia
O Bukurešt (Rumunikani ćhib: București, /bu.ku'reʃtʲ/) si o sherutno foro la Rumuniaqo, o maj baro foro thaj o maj importanto industrijako thaj komercialno centro le themesko. I stabilno populacia 1.883.425 beśutnenge (2011) kerel o Bukureśt jekh katar e maj bare forură and-i Evropaki Unia. Palal varesave ginavimata save len sama e manuśen bi thanesqo anθ-o foro, vaj anθ-o tranzito, o Bukureśt kidel opral trin milionură manuśen sakodives. Thovindoj pe akava si o fakto kaj e lokalitetura katar o foro, save si kotor katar o Metropolitano Area, isi len populacia kotar aproksimativno 430,000 beśutne.
| |||||
Than | 44°24′49″N, 26°05′48″E | ||||
Them | Rumuniya | ||||
[[|]] | |||||
Janglo andar dokumenturya | 1459 | ||||
Manusha | 1.628.426[1] (2011) | ||||
Baripen | 228 km² | ||||
Butvaripen le manushenge | 7.142 loc./km² | ||||
Uchimos | 75 m d.u. | ||||
Shero le forosko | Nicușor Dan | ||||
Dai patrin (website) | Sikavno:Ro icon I internetoski patrin le sherutne forosko | ||||
O angluno vakeripe vash o foro sikavel pes ko 1459 bersh, ko vakti e dujto thagaripnasko e Vlad Țepeș-esko. Ko 1862 berś avilo o sherutno foro le Jekhethaneske Principatenqo. Desar atunči vov nakhlas kontinuime paruvimata, kerdindoj o centro e Rumunikane artistikane, kulturake thaj medijake scenako. Leski elegantno arxitektura thaj urbano atmosfera kerden leske o anav "Tikno Paris" ko vakti e Belle Époque. Vi te sas e khera thaj e mahale ando historikano centro phagerde katar o maripe, e phuvjake izdralimata thaj vi katar o Nicolae Ceaușescu-esko sistematizaciako programo, but thaj na mule ama ʒivde. Palal o 2000, o foro nakhlas jekh ekonomikano thaj kulturalo barjaripe.
Palal o 2011-to berśesqo ginavipen, 1,883,425 beśutne beśen anθ-e foroske granice, maj tikno sar i sifra xramosardi anθ-o 2002-to berśesqo ginipen. Te thovas e satelitosqe forură paśal o urbano than, o propozime Bukureśt metropolitano than ka avel les jekh populacia 2.42 milionură beśutnengi. Palal na-oficijalne date, i populacia si opral 3 milionura beśutne.
Katar e ekonomikani rig, o Bukureśt si o maj barvalo foro ande Rumunia, thaj si jekh katar e maj bare industrijake centrura thaj transportoske thana ande Est-Evropa. O foro si les thana vash konvencie, edukaciake institucie, kulturake thana, bikinimaske thana, thaj rekreaciake thana.
O foro si administrime katar o Bukurestesko forosko kher, si les sa kodo administrativno nivelo sar le Rumuniake županije thaj si ulado ande šov sektora.
Kadava lekh si bibarilo, akana si numa ekh kotor. Kana janes buteder, shai te lachhares les. |