![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4d/0012_-_Milano_-_Sant%2527Ambrogio_-_Atrio_-_Frammento_lapide_C._Plinio_-_Foto_Giovanni_Dall%2527Orto_25-Apr-2007.jpg/640px-0012_-_Milano_-_Sant%2527Ambrogio_-_Atrio_-_Frammento_lapide_C._Plinio_-_Foto_Giovanni_Dall%2527Orto_25-Apr-2007.jpg&w=640&q=50)
Plinius il Giuven
From Wikipedia, the free encyclopedia
Gaius Plinius Caecilius Secundus, er Plinius il Giuven, latin Plinius minor (* tranter ils 25 d’avust 61 ed ils 24 d’avust 62 a Novum Comum, uss Como, Italia Superiura; † ca. 113 u 115 probablamain en la provinza Bithynia et Pontus), è stà in advocat e senatur roman ch’è stà activ dal temp dals imperaturs Domitian, Nerva e Trajan. Sco ses aug, il perscrutader da la natira Plinius il Vegl, è el restà en memoria a la posteriuritad surtut en connex cun si’ovra litterara, en spezial pervi da las Brevs da Plinius.
![Thumb image](http://upload.wikimedia.org/wikipedia/commons/thumb/4/4d/0012_-_Milano_-_Sant%27Ambrogio_-_Atrio_-_Frammento_lapide_C._Plinio_-_Foto_Giovanni_Dall%27Orto_25-Apr-2007.jpg/640px-0012_-_Milano_-_Sant%27Ambrogio_-_Atrio_-_Frammento_lapide_C._Plinio_-_Foto_Giovanni_Dall%27Orto_25-Apr-2007.jpg)
Las brevs, las qualas Plinius il Giuven ha edì anc da ses temp da vita, furman in’impurtanta perditga areguard il pensar e la moda da viver entaifer ils circuls dals regents romans a l’entschatta dal principat. Spezialmain enconuschenta – sper sia descripziun da l’erupziun dal Vesuv l’onn 79 – è daventada sia correspundenza cun l’imperatur Trajan (cumparida postum). Questas brevs ch’el ha scrit sco administratur da la provinza Bithynia et Pontus furman ina funtauna istorica d’emprima qualitad areguard l’administraziun da las provinzas romanas.