From Wikipedia, the free encyclopedia
Il lai dad Ägeri'[1] (tudestg Ägerisee) è in lai cun ina surfatscha da 7,3 km² (724 m s.m.) en il chantun Zug en Svizra ch'è vegnì creà d'in glatscher.
.jpg)
Il lai giascha en il chantun Zug; ses affluent principal è il Hüribach e si'aua sorta en la Lorze. A las rivas dal lai sa chattan ils vitgs Oberägeri ed Unterägeri.
L'emprima menziun dal lai dad Ägeri datescha dal 1315, cur che la battaglia da Morgarten ha gì lieu sin sias rivas.
A partir dal 10avel tschientaner ha la claustra da Nossadunnaun imponì in dretg da pestga sin il lai. Lez è silsuenter vegnì surpiglià da la claustra da Fraumünster ch'ha rimnà in'imposta en natiralias ch'è vegnì abrogà pir il 1431, cur ch'ina brev inditgescha ch'ils abitants da la val pon libramain disponer dal lai.
Il 1661, durant in'aua gronda da stad, è il Hüribach ì sur sias rivas ora ed ha inundà Unterägeri. Ils abitants han stuì consolidar las spundas per chanalisar il flum en ses anteriur letg vers il lai. Dapi il 1992 vegn il lai duvrà sco reservuar dad aua da baiver.
Dapi il 1890 datti cruscheras turisticas sin il lai. Il 2002 han ins fundà l'Ägerisee Schifffahrt AG sco filiala dals Zugerland Verkehrsbetriebe per cuntinuar questa tradiziun.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
