![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/34/Tarvisio_Rutte_grande_Boscoverde_Denkmal_Napoleonkriege_24062007_11.jpg/640px-Tarvisio_Rutte_grande_Boscoverde_Denkmal_Napoleonkriege_24062007_11.jpg&w=640&q=50)
Guerras da coaliziun
From Wikipedia, the free encyclopedia
Guerras da coaliziun[1] vegnan numnads ils eveniments da guerra dal 1792 fin il 1815 ch’han gì lieu tranter la Frantscha e ses rivals da pussanza europeics. Per ils eveniments a partir da la Segunda Coaliziun (1798/99) vegn savens er duvrà il term ‹Guerras napoleonicas›. Punct da partenza per quests conflicts ha furmà la Revoluziun franzosa dal 1789. Il 1814/1815 èn las Guerras da coaliziun idas a fin cun la sconfitta da Napoleun. Il Congress da Vienna ha instradà la restauraziun che dueva restabilir en l’Europa l’urden politic d’avant la Revoluziun. Cun las Guerras da coaliziun han cumenzà las uschenumnadas ‹guerras dal pievel› ch’èn succedidas a las guerras da cabinet da l’absolutissem. Sco ulteriura caracteristica è da numnar il fatg che truppas franzosas han occupà tschertas regiuns sur pli lung temp (occupaziun napoleonica, popular ‹temp dals Franzos›).
![Thumb image](http://upload.wikimedia.org/wikipedia/commons/thumb/3/34/Tarvisio_Rutte_grande_Boscoverde_Denkmal_Napoleonkriege_24062007_11.jpg/640px-Tarvisio_Rutte_grande_Boscoverde_Denkmal_Napoleonkriege_24062007_11.jpg)