Qirisa

Qirisa,^[1] Tispu^[2] icha Tintaya^[3] nisqaqa llullu palamakunam. Aslla t'ikrakuq (Hemimetabola) nisqa palamakunap qirisankunaqa wiñakusqaña palama hinam (Hemimetabola) - ahinataq haqarwitu (aqaruway), usa, yura usa, winchuka -, hunt'a t'ikrakuq (Holometabola) nisqaptaq kuru hinam - ahinataq suntu (urunquy, champi, khachu), sisi, wayrunqu, pillpintu, piki. Pillpintup qirisanqa sika-sika nisqam.

Huk palamap qirisan

Huk chukcha k'utup qirisan

Papilio machaon nisqa pillpintup sika-sikan.

Qirisaqa wiñan aswan kuti qaranta t'ikraspa. Wiñasqaña hunt'a t'ikrakuqpa kuru hina qirisanqa suqta kaq qara t'ikraypi marucham tukukun. Chay maruchamantaqa wiñakusqaña palamam t'uqyan.

Kaypipas qhaway

• Huq'ullu (k'ayrap llullunkuna)

Pukyukuna

1. Jorge R.Alderetes: Vocabulario del Quichua Santiagueño. qeresa: Larva, huevos de la mosca.
2. Consuelo Yánez Cossío: Léxico ampliado quichua-español, español-quichua. Quito 2007. larva: tispu < tispu.
3. Renán J. García A.: Nombre de algunos insectos y otros invertebrados en "quechua". Revista Peruana de Entomologia, Diciembre 1976. p. 16. TiNTAYA : Oruga.