یونیورسل موٹر

اس موٹر نوں یونیورسل موٹر اس لئی کیہا جاندا اے کیونکہ ایہہ اے۔ سی۔ اتے ڈی۔ سی۔ دوواں اپر کم کر سکدی اے۔ ایہہ اک کموٹیٹڈ سیریز واؤنڈ موٹر ہندی اے، جس وچ سٹیٹر اتے فیلڈ کوائلاں اک کموٹیٹر دے ذریعے روٹر وائنڈنگ نال سیریز وچ جوڑیاں ہندیاں ہن۔ اسنوں عامَ طور تے اک اے۔ سی۔ سیریز موٹر ہی کیہا جاندا اے۔ یونیورسل موٹر بنتر وچ ڈی۔ سی۔ سیریز موٹر دے ورگی ہی ہندی اے پر اسنوں اے۔ سی۔ اپر کم کراؤن لئی اس وچ تھوڑھا جیہا بدل کیتا ہندا اے۔ ایہہ موٹر اے۔ سی۔ اپر وی بہت ودھیا طریقے نال کم کردی اے کیونکہ دوواں فیلڈ کوائلاں اتے آرمیچر وچ کرنٹ دی پولیرٹی سپلائی نال لگاتار بدلدی رہندی اے۔ جس کرکے حاصل ہویا مکینیکل بل لگاتار اک ہی سمت وچ ملدا رہندا اے اتے ایہہ سمت دتی گئی وولٹیج دی سمت نال کوئی تعلق نہیں رکھدی پر ایہہ کموٹیٹر اتے فیلڈ کوائلاں دی پولیرٹی کرکے ہندی اے۔^[1]

ویکیوم کلینر وچلی جدید تے سستی موٹر۔ فیلڈ وائنڈنگ کاپر والے رنگ دیاں ہن جہڑیاں کہ دوواں پاسے پچھلے پاسے ہن۔ روٹر دی لیمینیٹڈ کور بھورے مٹیلک رنگ دی اے، جسدے سلاٹ گوڑھے کیتے ہوئے ہن۔ جس نال موٹر دی صلاحیت وچ وادھا ہندا اے۔ کموٹیٹر (جہڑا کہ اگلے پاسیوں ادھا لکیا ہویا اے) جہڑا کہ ورتوں کارن کالا ہویا پیا اے۔ وڈے پلاسٹک دے ٹکڑے برشاں نوں دوواں پاسیوں پھڑھکے رکھدے ہن اتے سہارا دندے ہن۔

حوالے

1. Herman, Stephen L. Delmar's Standard Textbook of Electricity, 3rd Edition. Clifton Park, NY: Delmar Learning, 2004. p.998

سانچہ:الیکٹرک موٹر