From Wikipedia, the free encyclopedia
گھڑا مٹی دا برتݨ اے جو جنوبی ایشیا، بلخصوص پنجاب وچ بݨایا تے ورتیا جاندا اے۔ ایہ پیݨے آݪے پاݨی نوں ذخیرا کرن تے اوہنوں ٹھنڈا رکھݨ لئی استعمال کیتا جاندا اے۔ گھڑا گوݪ بناوٹ دا، تنگ مونھ آݪا برتݨ اے، گھڑے دا مونھ ڈھاکݨ لئی اوہدے اُتے مٹی دا چپݨ رکھیا جاندا اے۔ گھڑا عمومن گھڑونج اُتے رکھیا جاندا اے۔ گھڑے بݨاؤݨ آݪے ماہر نوں کمھار کہیا جاندا اے۔
لفظ گھڑا گھڑنا توں بݨیا اے، جیہدا مطلب تراشنا یا مولڈ کرنا اے۔
امریکی انگریزی وچ گھڑا ایہجا برتݨ ہُندا اے جیہدے وچ ٹوٹی ہُندی اے جو مائعات نوں ذخیرا کرن تے انڈیلݨ لئی استعمال ہُندا اے۔ شمالی امریکا توں باہر انگریزی بولݨ واݪے مُلکاں وچ گھڑا جگ ورگا اک ایہجا برتݨ اے جیہدے وچ اک ہینڈل، ٹوٹی تے مونھ ہُندا اے۔ گھڑے دے ہینڈل نوں پَھڑ کے آسانی ناݪ کوئی چیز انڈیلی جا سکدی اے۔ گلدستے ورگی شکل آݪے گھڑے نوں اکثر سجایا جاندا اے تے جیہدے وچ اک پیندا تے بھڑکیلے پُھل ہُندے نیں۔[1] اک مشہور ایور، امریکا دا کپ اے، جو امریکا دے کپ سیلنگ ریگٹا میچ دی فاتح ٹیم نوں دِتا جاندا اے[2]جدید برطانوی انگریزی وچ "گھڑے" دا استعمال صِرف اس ویلے ہُندا اے جَد گھڑے دے ذریعے بیئر نوں امریکی انداز دے مطابق بار تے ریستوران وچ فروخت کیتا جاندا اے۔
ہڑپا رہتل دے آثار قدیمہ وچ مٹی دے کئی برتݨاں ناݪ گھڑے وی دریافت ہوئے نیں۔ گھڑے دا تذکرہ ''بک آف جینیسس'' وچ وی مِݪدا اے، جَد ربقہ ابراہیم دے خادم دے کوݪ آؤندا اے تے اوہدے کوݪ اک برتݨ ہُندا اے جیہدے وچ پاݨی موجود ہُندا اے۔[3] ''بک آف ججز'' وچ جیوڈون تِن سو افراد نوں جو تِن گروہاں وچ منقسم ہُندے نیں، لیمپاں اُتے مشتمل خالی گھڑے دیندے نیں۔[4] مارک تے لوک دے گوسپل وچ ایہ مذکور اے کہ عیسا نے اپݨے دو شاگِرداں نوں یروشلم جاݨ نوں کہیا، جِتھے اوہ اک ایہجے شخص ناݪ مِݪن گے جو پاݨی دا گھڑا (یونانی: κεράμιον carrying) لے کے آئو گا تے اوہناں نوں ہدایت دیندے نیں کہ اوہدی پیروی کرو۔ مروان ابن محمد دا گھڑا، جو قاہرہ دے میوزیئم آف اسلامک آرٹ وچ نمائش لئی رکھیا ہویا اے، اٹھویں صدی دی یاد گار اے۔[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.