From Wikipedia, the free encyclopedia
چکور مور ٹبر دا اک پنچھی اے۔ ایہ پاکستان دا قومی پنچھی وی اے۔
چکور یوریشیائی پربتی تتر پروار دے اک شکاری پنچھی دا ساہتی نام اے۔ 'چند تے چکور دی پریت دا ذکر گربانی اتے لوک-بانی، دوواں وچ وار-وار آؤندا اے۔'[10] اس دیاں ٹنگاں لال ہندیاں ہن۔ اس دے بارے وچ برصغیر دے شاعراں نے ایہہ سوچ کر رکھی اے کہ ایہہ چند نوں بے پناہ محبت کردا اے اتے ساری رات اسنوں حاصل کرن لئی اس ول اڈدا رہندا اے۔ اتے کالیاں راتاں وچ چنگیاڑیاں نوں چند دے ٹکڑے سمجھکے چگدا رہندا اے۔ ایہہ پاکستان دا قومی پرندا اے۔ اس نسل وچ 14 چھوٹیاں ذاتیاں ہن۔ ایہہ پنچھی اسرائیل، ترکستان، افغانستان، پاکستان، بھارت، شمالی امریکہ اتے نیوزیلینڈ دے 600 توں 4000 میٹر دیاں اچائیاں والے پتھریلے اتے ریتیلے علاقیاں وچ رہندا اے۔ ایہہ پنچھی سردیاں نوں نیوینیاں پہاڑیاں تے اتے گرمیاں وچ ٹھنڈے پہاڑی علاقیاں وچ چلے جاندے ہن۔ اسدا کھانا دانے، گھاہ-پھوس دیاں گدیدار جڑھاں اتے تنے اتے کدے-کدے کیڑے-مکوڑے وی ہن۔ اس پنچھی نوں اڈن نالوں بھجنا بہتا چنگا لگدا اے۔ شکاریاں توں بچن لئی رات نوں سون لگے پٹھاں چکر دے اندر اتے سر باہر نوں رڑی تھاں اتے اک گول چکر وچ اک دوجے نال جڑ کے بیٹھدے ہن۔ ایہناں وچوں واری-واری 4-5 پنچھی گردن اکڑا چوکنے بیٹھدے ہن اتے ساری رات راکھی کردیے ہن۔
چکور 32–35 سینٹی میٹر (13–14 انچ) لما تے گول ہوندا اے۔ مگر پؤری تے چھاتی سانولی ہوندی اے۔ مونہہ چٹا تے ایہدے دوالے کالی پٹی ہوندی اے۔ چنج تے پنجے لال تے پراں تے کالیاں پوریاں پٹیاں ہوندیان نیں۔
ایہہ 35 سینٹیمیٹر لمبا 600 توں 700 گرام بھارت والا گٹھیلے تے نگر جہے سریر والا پنچھی اے۔ اس دا رنگ سلیٹی-بھوسلے جیہا اتے گھسمیلے-سلیٹیے چٹے سر اتے اک چاکلیٹی-کالییٹی پٹی اکھاں دے اپروں دی ہندی ہوئی چٹی ٹھووڈی دے ہیٹھاں چھاتی دے وچکار کسے ہار وانگ بنی ہندی اے۔ اس دیاں وکھیاں اپرلیاں 7-8 چاکلیٹی-کالیانی پٹیاں بنیا ہندیاں ہن۔ کھنبھ گوڑھے سلیٹی-بھوریی ہندے ہن جناں اتے کجھ چٹیاں اتے کجھ بھوریاں بندیاں جہیاں بنیاں ہندیاں ہن۔ اس دا ڈھڈّ والا پاسہ گھسمیلا چٹا ہندا اے۔ اس دی پوچھ 14 کھنبھاں نال بنی ہندی اے۔ چکوراں دی چنجھ اتے لتاں لال ہندے ہن۔
بہار دے موسم نر سویرے اتے شام نوں بہت رولا پاؤندے ہن اتے بہت لڑاکے ہو جاندے ہن۔ مادہ کسے چٹان ہیٹھ جاں لکویں رڑی تھاں نوں کھرچ کے اتے پولا کرکے آلھنا بناؤندی اے۔ مادہ گلابی چٹاک والے چٹے 10-20 انڈے دندی اے۔ دونو 24 دن وچ انڈے سیک کے چوچے کڈھ لیندے ہن جو نکلدے سار کوئی 6-7 گھنٹیاں وچ ہی دوڑن-بھجن لگ پیندے ہن اتے ہور تن ہفتیاں وچ اڈن یوگ وی ہو جاندے ہن۔
چکور | |
دیس: | جنور |
برادری: | کورڈیٹ |
ٹولی: | پنچھی |
ٹبر : | مور ٹبر |
ونڈاں: | Alectoris chukar |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.