پپݪ

یپݪ اک وڈا درخت اے۔ ایشیا تے خاص طور تے پنجاب ایہدا اصلی دیس اے۔ ایہدا جوڑ پھگواڑی دے ٹبر نال اے۔ ایہدا پتا دل دی مورت دا ہوندا اے ۔ بدھ مت دے منݨ آلیاں دے نیڑے مہاتما بدھ نوں پپل دے رکھ دے تھلے نروان لبھیا سی۔ پپل دوائیاں وچ بہت ورتیا جاندا اے۔ ایہدی داتݨ چنگی سمجھی جاندی اے۔

پپݪ

پچھاݨ
دیس:	بوٹے
برادری:	پھلوالے بوٹے
پتی:	گلابورگے
ٹبر:	پھگواڑی
ٹوکرہ:	پپلی
سائینسی ناں:	Ficus religiosa

دکھاݪا

ایہ اک اچا تے چوکھا چر رہݨ آلا رکھ اے۔ ایہ 30 میٹر (98 فٹ) تک اچا جاندا اے۔ ایہدا تݨا 3 میٹر (9.8 فٹ) تک موٹا ہوندا اے تے پتے دل دی مورت ورگے 10–17 سینٹی میٹر لمبے تے 8-10 سینٹی یمٹر تک جوڑے ہوندے نیں۔ پتا ٹاہݨی 6-10 سینٹی میٹر تک لمبی ہوندی اے۔ ایہدا پَھل نکیاں پھگواڑیاں ہُندیاں نیں جیہڑیاں ہریاں تے پکݨ تے جامنی ہوجاندیاں نیں۔

رہتݪاں وچ

پپݪ نوں لمے ایشیا دیاں رہتݪاں تے مذہباں وچ اک مقدس درخت منیا جاندا اے۔ بدھ مت دے منݨ آݪیاں دا کہݨا اے کہ مہاتما بدھ نوں ایس رکھ تھلے نروان ملیا سی۔ ایہ تھاں بدھ گیا کہلاوندی اے۔ اوس رکھ دی اک ٹاہنی 288 وچ انورادھاپورا سری لنکا وچ اگائی گئی سی تے ایہ ہجے وی ہے تے سبھ توں پرانا پھلن آلا بوٹا اے۔ ہندو وی ایس رکھ دے دوالے پھیرے لاؤندے نیں تے ایہدے تھلے بیٹھ کے گیان دھیان وچ گم ہوجاندے نیں۔