نیدرلینڈز
From Wikipedia, the free encyclopedia
نیدرلینڈز (ڈچ:نیدرلانت) اک قنونی بادشائی اے تے نیدرلینڈی شاہی دے آپ راج کرنوالے 4 انگاں وچوں اک اے۔ ایہ اتلے لیندے یورپ چ اک دیس اے جیدے وچ رلے تن نکے جزیرے کریبین وچ نیں۔ یورپی نیدرلینڈز اک نکا تے لوک سنگھنا دیس اے جیدے اتر تے لیندے ول اتری سمندر، دکھن چ بیلجیم تے چڑھدے پاسے جرمنی اے۔ ایہدی سمندری ولگن برطانیہ، جرمنی تے بیلجیم نال رلدی اے۔[1] ایہ پارلیمانی لوک راج اے۔ ایدا راجگڑھ ایمسٹرڈیم اے[2] تے سرکار گڑھ تے پارلیمنٹ تھاں ہیگ چ اے۔[3] روٹرڈیم دا سمندری اڈہ یورپ دا سب توں وڈا تے تے ایس مگروں آنوالے 3 اڈیاں نوں رلا کے وی وڈا اے۔[4] نیدرلینڈز نوں ہالینڈ وی کیا جاندا اے پر اتلاہالینڈ تے تھلواں ہالینڈ ایہدے دو صوبے نیں۔
نیدرلینڈز | |
Netherlands | |
Koninkrijk der Nederlanden | |
راجگڑھ: | ایمسٹرڈیم |
تھاں: | 41,848 مربع کلومیٹر |
لوک گنتی: | 16,751,323 |
کرنسی: | یورو |
بولی: | ڈچ |
نیدرلینڈز دا 26٪ تھاں تے 21 ٪ لوک سمندر دی پدھر توں تھلے وسدے نیں تے ایدا 50٪ تھاں سمندر دی پدھر توں اک میٹر اچا اے۔ ایسے لئی ایہدا ناں نیدرلینڈز یعنی نیواں دیس اے۔ ایہدے دوجے ناں ہالینڈ دا مطلب وی نیواں اے۔ ایہ اک پدھرا دیس اے تے تھلے کج اجے تھاں نیں۔ ایدے چوں رہائن میوز تے شیلڈٹ دریا وگدے نیں۔ نیدرلینڈز اک لوک سنکھنا دیس اے جتھے اک مربع کلومیٹر وچ 406 لوک وسدے نیں۔ بنگلہ دیش، دکھنی کوریا تے تائیوان ای ایس توں چوکھے سنگھنے نیں۔ فیر وی امریکا مگروں ایہ دنیا وچ کھان پین تے وائی بیجی دیاں شیواں بدیس پیجن وچ دنیا وچ دوجے نمبر تے اے۔[5][6]
نیدرلیندز اوناں پہلیاں دیساں چوں اے جتھے چنی ہوئی پارلیمنٹ بنی۔ نیدرلینڈز نیٹو، یورپی یونین تے بینیلکس دا موڈی تے سنگی دیس اے۔ ایتھے جگت نیاؤں عدالت وی اے۔ نیدرلینڈز نوں 2011 چ دنیا دا سب توں خوش دیس منیا گیا۔