شالامار باغ لہور وچ بڑی مشہور تریخی تھاں اے، مغل بادشاہ شاہجہان نے تعمیر کروایا سی۔ ایہ مغلاں دی یادگار تے برصغیر وچ مسلماناں دی شاندار حکومت دا ورثا اے۔
ایہدی تعمیر 1641 عیسوی (1051 ھجری) وچ شروع ھوئ۔ تے کئ وریاں تکر مُکی۔ اے مستطیل دی شکل دا باغ اے جیدے آلے دوآلے بڑی وڈی کَند کیتی گئ اے۔ ایدا کھلار 658 میٹر جنوب توں شمال تے 258 میٹر مشرق توں مغرب تِکر اے۔
شالامار باغ دی تھاں جنوب توں شمال ول تین چبوتریاں نال رل کے بندی اے۔ اے چبوترے اک دوجے توں 4 -5 میٹر (13-15 فٹ) دے فاصلے تے ھیگے نیں۔ ایناں دے اردو بولی چ ناں اے ھیگے نیں۔
- اتلا چبوترہ فرح بخش (خوشی دین آلا)
- وچکارلہ چبوترہ فیض بخش (اچھائی دیں آلا)
- تھلڑا چبوترہ حیات بخش (حیاتی دین آلا)
باغ چ کل ملا کے 410 فوارے ھیگے نیں جیہڑے باغ چ وگن آلی نہر توں نکلدے نیں تے چوڑے تالاب چ ڈگدے نیں۔ لہور چ سخت گرمی دے ولے اے فوارے باغ دی سیر لئی آن آلے لوکاں نوں ٹھنڈک تے سکون دیندے نیں۔
شالامار باغ چنگے وڈے رقبے تے پھیلیا ھوئیا اے۔ ایس باغ دی عمارتاں وچ اے شامل نیں۔
- ساون پادوں میدان
- نکار خانہ دی عمارت
- خواب گاہاں
- شاہی حمام
- ایوان وڈا ھال
- آرام گاہ
- بیگم صاحب دی خواب گاہ
- بارہ دری
- دیوان خاص و عام
- دو داخلی دروازے تے مینار
باغ چ وکھو وکھ نسلاں دے بوٹے تے رکھ لائے گئے نیں۔ اے تھلے دتے گئے نیں۔
- بادام
- سیب
- خوبانی
- چیری
- امب
- پاپلر
- آلوبخارا
- آڑو
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
