سالو

سالو کپآ ٹبر دے اک ٹوکرے ہائیبسکس دی اک ونڈ اے۔ سالو ملائشیا دا قومی پھل وی ہے تے جڑھدے ایشیاء دا واسی اے۔

سالو

پچھان
دیس :	بوٹے
برادری:	پھلوالے بوٹے
ٹبر:	کپآ ٹبر
ٹوکرہ:	ہائیبسکس
سائینسی ناں:	Hibiscus rosa-sinensis

وکھالہ

ایہ اک وڈی جاڑی یا نکا رکھ اے جیہڑا 2.5–5 میٹر (8–16 فٹ) لما تے 1.5–3 میٹر (5–10 فٹ) چوڑا پھیلیا ہوندا اے۔ ایہدے پتے لشکدے نین تے پھل لال رنگ دے تے اکلے ہوندے نیں جیہڑے بسنت تے پت چڑ وچ کھڑدے نیں۔ پھل دا گھیر 10 سینٹی میٹر (4 انچ) ہوندا اے تے پتیاں 5 ہوندیاں نیں وچون لما اینتھر نکلدا اے جیہڑا کھٹی ٹیسی والا ہوندا اے۔^[1] پتے انڈے ورگے تے انت تے چنجوالے ہوندے نیں۔ ایہدا رس چوسن پدی چڑی ایہدے پھلاں تے آندی اے۔

اگائی

ایہ اک سجاوٹی بوٹا اے جیہڑا اپنے سوہنے پھلاں باہجوں اگایا جاندا اے۔ ایہ ٹراپک تے کج ٹراپک دا بوٹا اے تے 10 ڈگری سینٹی گریڈ توں تھلے ٹھنڈ نیں سہ سکدا۔ لال مشہور رنگ اے پر ایہ کئی رنگاں وج بنایا گیا اے۔