ریاست لسبیلا
From Wikipedia, the free encyclopedia
ریاست لسبیلا برطانوی ہند تے اوہدے توں بعد پاکستان وچ اک دیسی ریاست سی جیہڑی عملن 1955 تک موجود رہی ۔ ایس ریاست دا رقبا 18،254 مربع کلومیٹر (7،048 مربع میل) اے ۔ لمے پاسے عرب سمندر تے اک کُھلا سمندری کنڈھا اے ۔ ریاست لسبیلا اُبھے تے لہندے پاسےوں ریاست قلات تے ریاست مکران نال لگدی سی ۔ چڑھدے پاسےوں صوبا سندھ تے لموچی چڑھدے پاسے کراچی سی ۔ ریاست لسبیلا دا مُڈھ 1742 وچ علی خان (پہلے) نے رکھی سی ۔ علی خان جام جاموٹ جٹ سی ۔ اوہناں دی اولاد نے ریاست لسبیلا اُتے 1955 تک حکومت کیتی جدوں ایہ ریاست صوبا لہندے پاکستان دا حصہ بݨ گئی ۔ تے انتظامی طور تے قلات ڈویژن نال شامل کر دتا ۔ 1962 وچ ریاست لسبیلا دا علاقہ قلات ڈویژن توں الگ ہوگیا تے کراچی-بیلا ڈویژن وچ شامل ہو گیا ۔ جد 1970 وچ صوبائی نظام نوں بدلیا گیا تے سابق ریاست لسبیلا نوں ملو ملی نویں بݨائے گئے صوبے بلوچستان وچ رلا دتا گیا ۔