لما ایشیا
From Wikipedia, the free encyclopedia
From Wikipedia, the free encyclopedia
لما ایشیا یا جنوبی ایشیا (انگریزی: South Asia)، براعظم ایشیا دے لمے پاسے وچ واقع دیساں اُتے مُشتمل خِطے نوں کہیا جاندا اے ۔ لموچی ایشیائی دیس : پاکستان ، بھارت ، نیپال ، بھوٹان ، بنگلا دیش ، سری لنکا تے مالدیپ ۔ ایس توں علاوا اِنڈک ساگر وچ برطانوی مقبوضات وی لمے ایشیا وچ شمار کیتے جاندے نیں ۔ ایس توں علاوا ثقافتی وجوہات دی بناء اُتے تبت نوں وی لمے ایشیا وچ شمار کیتا جاندا اے ۔ لمے ایشیا نوں برصغیر پاک و ہند وی کہیا جاندا اے ۔ ایہ خِطا لہندے ایشیا ، وچکارلے ایشیا ، چڑھدے ایشیا تے لموچی چڑھدے ایشیا دے وچکار واقع اے ۔ لمے ایشیا دے دیس علاقائی تنظیم سارک دے رکن وی نیں ۔
_without_national_boundaries.svg)
جغرافیائی طور تے برصغیر دی اصطلاح اس علاقے لئی ورتی جاندی اے جہڑا ہندی پرت تے قائم اے جیہدے اُبھے پاسے یوریشین پرت اے۔ سیاسی طور تے اس اصطلاح چ ہندی پرت دے باہرلے علاقے وی شامل کیتے جاندے نیں، پاکستان وچ دریائے انڈس دے لہندے پاسے وچ واقع علاقے تریخی وجہاں دی بنا تے کدی کدائیں وچکارلے ایشیا وچ شمار کیتے جاندے نیں ، جیہدی اک مثال صوبا بلوچستان اے جیہڑا ہندی پرت تے قائم نئیں بلکہ ایران پٹھار دے کنڈھےآں اُتے واقع اے۔
لما ایشیا دی تریخ ماضی وچ باہرلے حملا آوراں دی زد چ رہیا اے ایس لئی ایہدی ثقافت وی مختلف قوماں دے ملاپ نال بنی اے ۔ پر لوکں دی اکثریت ہندو مت تے اسلام نوں مَندی اے ۔ ایسے لئی لمے ایشیا دی رہتل تے دوناں مذہباں دی گوڑھی چھاپ اے ۔
لما ایشیا جگ دے گنجان آباد ترین علاقےآں وچ شمار ہُندا اے ۔ ایتھے تقریبن 1 ارب 60 کروڑ لوک رہندے نیں ۔ جیہڑا دنیا دی کل آبادی دا پنجواں حصا اے ۔ایتھے آبادی دی کثافت 305 بندے فی مربع کلومیٹر اے جیہڑی دنیا بھر دی اوسط کثافت توں 7 گُݨا ودھ اے ۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
