From Wikipedia, the free encyclopedia
انڈین پلیٹ اک ٹیکٹونک پلیٹ ایہ جیہڑی اصل چ اک پرانے براعظم گونڈوانہ دا انگ سی دا تے فیر 55 توں 50 ملین ورے پہلےایہ آپ اک وڈی پلیٹ بن گئی. ایہ اک نال دی پلیٹ آسٹریلین پلیٹ نال رل گئی۔ ایہ ہن وڈی انڈو-آسٹریلین پلیٹ دا اک انگ اے۔ دکھنی ایشیا ایدے اندر اے پر لداخ تے کوہستان تے بلوچستان نئیں ہیگے۔
14 کروڑ ورے پہلاں انڈین پلیٹ اک وڈے براعظم گونڈوانہ دا اک انگ سی ایدے وچ افریقہ، آسٹریلیا، انٹارکٹکا تے دکھنی امریکہ رلے ہوۓ سن۔ گونڈوانہ ٹٹ گیا تے ایہ براعظم وکھرے دوڑ ناپاں نال وکھرے ہوگۓ تے انج بحرہند بنیا۔ 9 کروڑ ورے پہلے کریٹیشیس ویلے وچ جدوں ہندستان تے مڈغاسکر آپے وچ رلے ہوۓ سن، ہندستان انڈین پلیٹ دی مورت وچ مڈغاسکر توں وکھ ہویا تے ایہ اتر ول 20 سینٹی میٹر اک ورے وچ دی دوڑ نال ٹرن لگ پیا تے ایہ سعاب لایا گیا اے جے 5 توں 5.5 کروڑ ورے پہلے ایہ ایشیائی پلیٹ نال ٹکرائی سی۔ اینج ایس پلیٹ نے 3 توں 2 ہزار کلومیٹر تک دا پینڈا کیتا تے ایدے دوڑ دوجیاں پلیٹاں ناوں ترکھی سی۔
2007 وچ جرمن جیالوجی گروواں ایہ گل کہی جے ایس پلیٹ دے ایڈا تیز ٹرن دا کارن ایس پلیٹ دا دوجیاں پلیٹاں نالوں ادا موٹا ہونا اے۔ انڈین پلیٹ دے یوریشین پلیٹ نال ٹاکرے نال ہمالیہ، تبت، تے لونا پربت دھار دے پہاڑی سلسے بنے۔ انڈین پلیٹ ہجے وی اتے ول جا رئی اے تے یوریشین پلیٹ وی اتے ول جا رئی اے۔
| زمینی پلیٹاں |
|---|
|
2005 وچ پاکستان پاکستانی کشمیر تے پعارتی کشمیر وچ انڈین پلیٹ تے یوریشین پلیٹ دے ٹکران باجوں اک وڈے ناپ دا زلزلہ آیا۔ ایس زلزلے وچ 79000 دے نیڑ لوک مارے گۓ۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
