From Wikipedia, the free encyclopedia
گنکگو اک انوکھی ونڈ دا رکھ اے جیدا کوئی ہور ساک رکھ نہیں۔ ایہنوں اک جیوندا پتھری جیون آکھیا گیا اے۔ ایہدے پتھری نمونے 27 کروڑ ورے پرانے ملے نیں تے اینج ایہدے وچ پچھلے 27 کروڑ وریاں توں کوئی تبدیلی نہیں آئی۔ ایہ رکھ چین دا وسنیک اے تے پہلیاں انسانی رہتلاں وج ای ایہدا ورتن پے گیا سی۔ ایہنوں کھان پین تے دوائیاں وچ ورتیا جاندا اے۔ ایہ اپنے ٹبر دی اکو ٹوکرے دی اکو ونڈ اے۔ ایہ چین دا قومی رکھ وی ہے۔
گنکگو | |
![]() | |
پچھان | |
دیس: | بوٹے |
برادری: | گنکگو بوٹے |
ٹولی: | گنکگو بوٹے |
پتی: | گنکگوورگے |
ٹبر: | گنکگو ٹبر |
سائینسی ناں: Ginkgo biloba | |
گنکگو وڈے ناپ دے رکھ نیں تے 20–35 میٹر (66–115 فٹ) دی اچائی تک اپڑدے نیں۔ چین وچ کئی رکھ 50 میٹر (164 فٹ) تک وی گۓ نیں۔ ایہدیاں جڑاں ڈونگیاں جاندیاں نیں تے ایہ تیز ہوا تے برف توں ہون والی ٹٹ پج نوں سہ جاندے نیں۔ پتچڑ وچ ایہدے پتے پیلے ہوندے نیں تے ڈگ پیندے نیں۔ روگاں نال لڑن دی طاقت،کیڑیاں توں بچن والی لکڑ، ہوائی جڑاں ایہنوں لمے چر تک جیونوالا رکھ بناندیاں نیں۔ اگدیاں ایہ چھاں نہیں سہندا۔ ایہنوں پانیوالی تے پانی نچڑنوالی تھان پسند اے۔
بیوالے بوٹیاں وچ ایہدے پتے سب توں وکھرے نیں۔ ایہ پکھی ورگی مورت دے تے 5–10 سینٹی میٹر (2–4 انچ) لمے ہوندے نیں۔
گنکگو تے ایہدیاں رلدیاں ونڈاں کدے ساری دنیا تے پھیلیاں ہویاں سن۔ 20 لکھ ورے پہلے ایدی اگن تھاں تھوڑی رہ گئی تے ایہ ہن چین دے نکے جۓ تھاں تے ہوندے نیں۔ کی صدیاں توں ایہ ای سمجھیا گیا جے ایہدیاں جنگلی ونڈاں مک گئیاں نیں پر چین وچ دو تھانواں تے ایہدے رکھ ملے نیں۔ ایہنوں چین وچ عام اگایا جاندا اے تے دکھنی چین وچ چوکھا عام اے۔ ایہ اتلے امریکہ وچ 200 وریاں توں تے یورپ وچ 300 وریاں توں اگایا جاریا اے۔
![]() |
وکیمیڈیا کامنز چ مورتاں: گنکگو |