ہربجن سنگھ (شاعر)

مڈھلا جیون اتے سکھیا

ڈاکٹر۔ ہربھجن سنگھ دا جم لمڈنگ، آسام وچ 18 اگست، 1920 نوں "گنگا دیئی" اتے "گنڈا سنگھ" (اسدا پیؤ، جو تپدق دا مریض سی) دے گھر ہویا سی۔ پروار نوں لاہور جانا پیا جتھے اوہناں نے گوالمنڈی وچ دو مکان خریدے سن۔ اوہ اجے اک سال دا وی نہیں سی ہویا کہ اس دے پیؤ دی موت ہو گئی سی۔ پھر اوہ مساں 4 سال دا ہویا سی کہ اسدی ماں اتے دو بھیناں دی موت ہو گئی۔ اوہنوں اوہدی ماں دی چھوٹی بھین (ماسی) جو اچھرا، لاہور وچ رہندی سی اسنے پالیا، اوہ مقامی ڈی اے وی سکول وچ پڑھیا سی اتے بہت چھوٹی عمر توں ہی اک ذہین طالب علم سی۔ اپنے تعلیمی ہمبھلے وچ اوہ پنجاب وچ سکھرلے تناں وچ اک سی، لیکن پیسے دی تنگی کارن اپنی پڑھائی نوں روکنا پیا۔ اوہ لاہور وچ اک ہومیؤپیتھی کیمسٹ دی دوکان تے اک وکری منڈے دے روپ وچ، نویں دلی وچ بھارت سرکار دے اک معمولی کلرک دے روپ وچ اتے پھر خالصہ سکول، نویں دلی وچ اک معاون لائبریرین دے روپ وچ چھوٹے-موٹے کم کردا رہا۔

ہربھجن سنگھ نے اچّ سکھیا کالج جان بناں حاصل کیتی۔ اس کول انگریزی اتے ہندی ساہت وچ دو ڈگریاں سن، دونوں دلی یونیورسٹی توں حاصل کیتیاں۔ اوہناں دا پی ایچ ڈی تھیسیس گورمکھی لپی وچ ہندی شاعری بارے وچار-ومرش سی۔

اوہناں دے تن بیٹےآں وچوں اک، مدن گوپال سنگھ، گلوکار اتے ودوان اے۔