ٹرپل کینال پراجیکٹ

پراجیکٹ دی لوڑ تے نہراں

اس پراجیکٹ دی لوڑ اس واسطے پئی کہ راوی دریا وچوں اپرباری دوآب نہر کڈھݨ نال راوی وچ پاݨی گھٹ گیا تے اس طرحاں راوی دے ہیٹھلے پاسے اس وچوں کوئی نہر کڈھݨی ناممکن سی، جدکہ لہور دے جنوب وچ ضلع منٹگمری (موجودہ ساہیوال ڈویژن) دا بہت وڈا کھیتر بنجر پیا سی۔ اک پرسدھ نہری انجینیئر سر جان بینٹن نے اس سمسیا دا حلّ سوچیا ۔ جہلم دریا وچ پانی بہت سی، سو، اس نے تجویز کیتا کہ جہلم تے چناب دریاواں دے پاݨی نوں منٹگمری ضلعے دی بھوئیں نوں سیراب کرن لئی ورتیا جاوے۔ اپر لکھیاں تنّ نہراں اس پراجیکٹ دا انکھڑواں انگ نیں۔